Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá enero

“A ʼyaní jóʼmi je Niná. [Tʼaiʼndelai chjota nga katanchja̱.] Koakolale kuitsoñá je rebista jebi.” Takolai ya jto̱n yátsʼi̱n rebista La Atalaya xi tsʼe 1 de enero. Tʼinyalai kjoachjonangi xi títjon kao párrafole. Tʼexkialai ninga tojngo testo xi ya faʼaitʼa. Tjayolai rebista kʼoa kʼoatʼinlai nga kʼuínchon ijngokʼalai nga chótʼayao kjoachjonangi xi majaoni.

La Atalaya 1 de enero

“Faʼaitsjenjinli nga kʼoanákitso én nga kjoela sonʼnde kʼoa nga kʼoakitso nʼio nkjín chjota xi kitsokjón. Jósʼin nikjaʼaitsjenngái ji xi tʼatsʼe jebi. [Tʼaiʼndelai chjota nga katanchja̱.] Je Biblia kʼoatso nga kjoetʼa xi chon sonʼnde, tonga kʼoatso nga kuinjengi chjota [tʼexkiai 1 Juan 2:17]. Rebista jebi ño koya bakóya jmeni xi kjonangi chjota xi tʼatsʼe nga kjoetʼa sonʼnde.”

Despertad Enero

“Jósʼin nikjaʼaitsjain ngái ji, a ngisa nda kuiyoaa ya yaniʼyaná kʼiatsa si̱tjosoán je én xi kinchja̱ Jesús ibi. [Tʼexkiai Hechos 20:35b kʼoa tʼaiʼndelai chjota nga katanchja̱.] Nga to yaole fini ndʼaibi je chjota, nʼio ñʼai maná nga kʼoasʼin ningalee je ʼndíxtiná nga tsín kʼoati katasʼín tsanda je. Rebista jebi tsjoále kjoafaʼaitsjen je xi xijchá ma josʼin kuinyakao je ʼndíxtile.”