Josʼin koa̱n sʼe̱yo je rebista

Jósʼin koa̱n sʼe̱tsʼiakao estudio kʼianga xoto nga tífitsʼia sá noviembre

“A tsí kjoaixi nga mená nga jngo gobierno xi nda sʼín katabatéxomaná. Xi tosilai ji, a tíjna jngo gobierno xi koa̱nle kʼoendajin kjoa xi tjín sonʼnde. [Tʼaiʼndelai chjota nga katanchja̱.] Koakolale kuitsoñá rebista jebi.” Jngo rebista La Atalaya xi tsʼe 1 de noviembre chʼa̱sjai kʼoa takolai pájina 16. Tʼinyalai je kjoachjonangi xi títjon kao párrafole. Tʼexkialai ninga tojngo testo xi ya faʼaitʼa. Tjayolai rebista kʼoa kʼoatʼinlai nga kʼuínchon ijngokʼalai nga chótʼayao xi tʼatsʼe kjoachjonangi xi majaoni.

La Atalaya 1 de noviembre

“Kʼiatsa koa̱nlani nga tjín xi chjónangilai Niná, jméni xi chjónangilai. [Tʼaiʼndelai chjota nga katanchja̱.] Je ʼNdíle Niná kui xi mele nga tosi tonda kjoásjaiyaa jmeni xi chjonangilee yaoná [tʼexkiai Mateo 7:7]. Rebista jebi kui koakoyali jotso Biblia xi tʼatsʼe nga jan kjoachjonangi xi faʼaitʼa ibi.” Takolai je kjoachjonangi xi faʼaitʼa ngitsʼin pájina 3.

Despertad Noviembre

“Ndʼaibi kʼoasʼin tinixatʼaijin xíngiaa. A tsí kjoaixi nga nʼio nkjín mani xíngiaa xi tojngo mani nga tjíosíjchá ʼndíxtile. Jósi ngái ji, a ngisa ñʼai male xíngiaa jebi. [Tʼaiʼndelai chjota nga katanchja̱.] Ya Biblia nkjín kjoafaʼaitsjen tsjoá xi tjíobinyakao xíngiaa xi toje tjíosíjchá ʼndíxtile [tʼexkiai 2 Timoteo 3:16]. Je rebista xi yʼale nkjín kjoafaʼaitsjen tsjoále chjota xi kui kjoa tjíojin.”