Je Énle Niná nʼio nda machjén nga bakóyaná

1. Jokʼuín je kjoajtíntse xi jao nichxin sʼe̱jna, kʼoa jméni xi sa̱kóyaná ya kjoajtíntse jebi.

¹ Jé Jeobá “xi nʼio nda bakóya[ná]” (Is. 30:20, 21). Kʼoa kui Biblia tísíchjén nga títsoyaná, jngo libro xi tsín mangóson kao xi kjaʼaí libro. Jósʼin basenkaoná jmeni xi bakóya je Biblia nga nikuindaa yaoná, kjoafaʼaitsjenná, josatío tokoán kʼoa josʼin biyoaa ngixko̱n Niná. Jebi kʼiaa sa̱kóya nga sa̱tío je kjoajtíntse xi jao nichxin, fitsʼiakjoanni sá septiembre nó 2013 saʼnda sá agosto nó 2014. Je kjoajtíntse jebi i kʼuín: “Je Énle Niná nʼio nda machjén nga bakóyaná”, kʼoa yaa 2 Timoteo 3:16 yʼangini.

2. Kʼoalasi je kjoachjonangi xi koasenkaoná nga jchaa jmeni xi ngisa nʼio kuinchja̱ni je kjoajtíntse xi jao nichxin sʼe̱jna.

² Xi ngisa kuinchja̱ni kjoajtíntse jebi. Je kjoachjonangi xi faʼaitʼa ibi kui koasenkaoná nga jchaa jmeni xi ngisa nʼio kuinchja̱ni je kjoajtíntse xi jao nichxin sʼe̱jna:

• Jósʼin basenkaoná jmeni xi bakóya ya Biblia josʼin mangínkoaa yaoná (Is. 48:17, 18).

• Jméni xi tjínjngo tokoán nga sʼe̱ná kʼiatsa kʼoasʼin kʼoéndajiaan nga ngisa tse si̱xálee Jeobá (Mal. 3:10).

• Jósʼiaan tsakui sa̱kóyaná je “kjoafaʼaitsjen” xi xin ndiaa koaikaoná (Heb. 13:9).

• Jósʼin chjénngilee je Jesús “josʼin tsakakóya” (Mat. 7:28, 29).

• Ánni nga tjínnesínile nga kʼoati kuitsoyale yaole je ndsʼee xi bakóya ya jinjtín (Rom. 2:21).

• Jósʼin machjénná je Énle Niná (2 Tim. 3:16).

• Jósʼin tíbichómani nga kʼoasʼin tíbʼétsaojne Niná ngatsʼi naxinandá (Ageo 2:6, 7).

• Jméni xi be Jeobá nga koa̱nná kʼoasʼiaan (Efes. 5:1).

• Ánni nga kʼoénesínilee yaoná nga tosi tonda kuinóʼyá jmeni xi bakóyaná je Jeobá (Luc. 13:24).

3. Ánni nga nʼio machjénsíni nga kʼoénelee yaoná nga kuinóʼyá ngayeje je kjoanokjoaya xi kjoaʼa nga sʼe̱jna je kjoajtíntse xi jao nichxin.

³ Nga kjesa kjijin je pastro Pablo je bersíkulo jña yʼangini jokʼuín kjoajtíntse jebi, títjon kjoanla kui kʼoakitso jokoa̱nchon nichxin fetʼa xi tiyoaa ndʼaibi. Kʼoa i kitso: “Je chjotatsʼen, kʼoa je xi bʼanacha toñaki tosi tonda ngisasa tsʼen koa̱n, kʼoanachasale, kʼoati chʼa̱nachasale” (2 Tim. 3:13). Kʼiatsa tsín mená nga chʼa̱nachaná nʼio machjén nga kuinyañoaa kʼoa nga si̱tjosoán jmeni xi bakóyaná Niná. Kuinga nʼio machjénsíni nga kʼoénelee yaoná nga kuinóʼyá ngayeje je kjoanokjoaya xi kjoaʼa nga sʼe̱jnaná je kjoajtíntse xi jao nichxin.