“Koaan skoé xo̱nli tsa kʼoati chjóai je xo̱n xi tsjoale”

Tjínkʼa chjota xi tsín kjoé je xo̱n xi bʼailee tsa tsín chjoé je xi tsjoáná je. Tonga nʼio nkjín xo̱n xi tsʼe relijión xi to énndiso bakóya xi tʼatsʼe Niná, alikuijin ndatjín tsa si̱kʼantjé xo̱nná kao tsʼe. Jókoa̱n kʼuínlee nga kao kjoaxkóntokon chja̱koaa (Rom. 1:25). Koaan i̱ kuixoán: “Niná xi katʼéchjíli, tonga jmé xi tínchja̱ni je xo̱n xi kʼoainái. A tsoya josʼin sʼe̱ndajin je kjoa xi tjín i̱ Sonʼnde. [Kʼoaiʼndelee chjota nga katanchja̱. Kʼiatsa kʼoakuitsoná nga ya kʼoéxkiaa je xo̱n xi mele tsjoáná, koaan kʼoakʼuínlee nga tsín tsa tokʼoasʼin tinikájnalee ñá je xo̱n, nga títjon kjoanla kʼoatiʼmilee jme xi tínchja̱ni. Xijekoa̱n, koaan kʼoéxkialee kʼoa ninga tosi̱kʼaxki̱lee jotso Mateo 6:9, 10.] Tojo tso bersíkulo jebi, kʼoasʼin tsakakóya Jesús nga tojékjoan je Chjotaxále Niná xi koa̱nle kʼoendajin je kjoa xi tjín i̱ Sonʼnde. Kuinga tokui xo̱n bʼexkiaña xi kui nchja̱ni jmeni xi sʼin je Chjotaxále Niná. A koaan koakole jotso Biblia tʼatsʼe jme xi sʼin je Chjotaxále Niná”.