Nda si̱chjén je xo̱n xi Énle Niná faʼaitʼa

Je Jesús i kitso: “Tokjoatjao kitsʼaino, tokjoatjao tʼainio” (Mt 10:8). Nitjosonñá én jebi nga tsín batenaa je Biblia kao xo̱n xi fayolee chjota (2Co 2:17). Nʼio chjíle nga̱ Énle Niná faʼaitʼa xo̱n jebi. Kʼoa nga bitjo kʼoa nga nikasénle je jtín xi tjío jngo tjíjtsa Sonʼnde tse tao̱n sʼengi kʼoa tse nganʼio machjénle. Kuinga tokʼoatjín chjoésíñá jotjín koa̱nchjénná.

Chósonnilee ʼyani xi kʼoailee je xo̱n nga ʼmiyasoán kʼoa kʼianga ya biyoʼndá je xi xinyáya xo̱n (Mt 7:6). ʼNdele nga to xo̱n kʼoailee toʼyani xi kjoaʼa, tosa títjonkjoanla chja̱kaonajmiá ánsíni nga jchañá tsa mandosinle. Si̱kjaʼaitsjeen jmeni xi tso je rekuadro xi faʼaitʼa ibi. Kʼiatsa jchaa nga tsín nanda mandosinle chjota, tosa to jngo tratado kʼoailee. Tonga tsa jngo chjota xi toxá sijéniná jngo rebista kʼoa xo̱n xi kjiosaná, koaan kʼoailee.