Xi sakʼoa chjonangiaa

◼ A tjínnele kʼoejtsa jko̱ je tichjaa kʼiatsa jngo ndsʼee tje̱nkao nga títsjoále estudio jngo chjota ninga toya jchxo xo̱ntjoale

Je tichjaa tjínnele kʼoejtsa jko̱ kʼiatsa jngo ndsʼee tje̱nkao kʼianga títsjoále estudio jngo chjota (1 Cor. 11:3-10). Je libro “Kjoatsjoachale Niná”, pájina 210 párrafo 1, itso: “Kjoajtín jebi kʼoati ya majngokao je kjoajtín xi satíoná ya jña chotʼayá, kʼoa tjínnele jngo ndsʼee koandiaa tsakai. Kʼoa [je tichjaa] kʼoati tjínnele kʼoejtsa jko̱ kʼiatsa jngo chjota jetítsoyale Biblia kʼoa jngo ndsʼee xi jekiskanisʼenngindá yaole tje̱nkao”. Je tichjaa tjínnele koaitjenngi jebi tojñani nga tsjoá estudio, ninga ya yandʼia kʼoa ninga ya jchxo xo̱ntjoale chjota.

Tonga tsa kje ñaki tjínndajinjin nga tíbʼaile estudio je chjota, jótjínnele sʼin je tichjaa. Likui machjén nga kʼoejtsa jko̱. Kʼoati likui machjén nga kʼoejtsa jko̱ ninga kui tíbakóchoyale je chjota josʼin bʼé estudio kʼoa ningalani kui títsoya choale je xo̱n xi nichjén nga ʼmiyalee Énle Niná chjota. Nkjín chjota xi toya jchxo xo̱ntjoale chjakaonajmíñá je Énle Niná xi nkjín kʼa mangínnrʼoe saʼnda nga sʼendajin nga bʼailee estudio. Kuinga machjénsíni nga je xi tsoyason nda skósonnile kʼiáni nga machjén nga kʼoejtsa jko̱ je tichjaa.