Jósʼiaan nga ndasa kʼuínyasoán: kʼoétsʼiakoaa estudio kao je foyeto Énnda chjotse xi tʼatsʼe Niná tínroani ya jchxo xo̱ntjoale chjota
Ánni nga nʼio chjísínile nga kʼoasʼiaan. Machjénní nga koa̱nná josʼin koakoyaa Énle Niná ánni nga koa̱n kuinyakaosíñá chjota nga chjotale Cristo katama (Mat. 28:19, 20). Kʼiatsa koa̱nná nga nda si̱chjén jotjín koya xo̱n kjioná ngisa nda koakoyaa jokjoantjínni Énle Niná. Jngo foyeto xi ñaki kui xá kisʼendani kui je Énnda chjotse xi tʼatsʼe Niná tínroani. Kʼoa koaan si̱chjén nga kʼoétsʼiakoaa estudio ya jchxo xo̱ntjoale chjota ninga tosʼa ñandia tichjakaonajmiá.
I̱ tʼiain sá jebi:
Tʼetsʼoalai je Jeobá ánni nga kuitsosíni tokuin nga kʼoétsʼiakoai estudio. Kʼoatʼinlai nga katamasjaili jngo chjota xi mele skótʼaya Biblia kʼoa nga koa̱nli koakoyalai jokjoantjínni Énle Niná (Filip. 2:13).
Koaan chótʼayai jokʼuínlai je chjota kʼianga chotʼayajtíon Énle Niná ya niʼyano kʼoa tsa kʼiaje̱ nga toji chotʼayai Énle Niná. Tsa kʼoasʼiain, ngisa tjínjngo tokuin nga chja̱koai je chjota kʼoa ngisa choa ñʼai koa̱nli nga kʼoétsʼiakoai estudio ninga ya jchxo xo̱ntjoale.