Josʼin koa̱n kʼuínyasoán

Xo̱n xi Bájinkonná 1 sá febrero

“Kui tifayolaijin xo̱n jebi ngatsʼi chjota. Kui tsoya jósʼin basenkaoná je kjoafaʼaitsjen xi nya Biblia. Koajna jngole. [Tʼailai chjota je tratado xi Jósʼin ʼyatokuin je Biblia ʼmi]. Sakʼoaa kjoa sʼená ya tʼaxáná kʼoa kui xi mená nga tsín kʼoakatama tsakai. Kui xi mená nga i̱ koa̱n jotso testo jebi. [Tʼexkiai Eclesiastés 3:13]. Rebista jebi nkjín kjoafaʼaitsjen faʼaitʼa xi ya Biblia yʼangini xi basenkaoná nga ngisa tsjoa sʼe tokoán kʼianga nixá. A koaan sikájnale.”

¡Despertad! Febrero

“Kui tibakolaijin xíngiaa je rebista ¡Despertad! xi chriansʼa kitjo. Nʼio tjínle kjoandosin jmeni xi tsoya. [Takolai je portadale rebista.] Jósʼin nikjaʼaitsjain xi tʼatsʼe je kjoafaʼaitsjen jebi. [Tʼexkiai Proverbios 29:11]. A machjénná jmeni xi tso je Biblia nichxin xi tiyoaa ndʼaibi. [Tʼaiʼndelai chjota nga katanchja̱]. Rebista jebi ño koya kjoafaʼaitsjen faʼaitʼa xi ya Biblia yʼangini kʼoa kui bakóya je kjoanda xi tjenkao kʼiatsa kjuintjenngiaa.”

Je xo̱nna xi bʼéyanajmí jotso Biblia

“Nʼio nkjín chjota xi ñʼai chonle tao̱n, tonga tjín chjota xi ñaki tsín jme xi tjínle. Jósi ngái ji, a kuicho nichxin nga tsín tiʼya chjota sʼe̱ni xi ma̱ sijchá yaole. [Tʼaiʼndelai chjota nga katanchja̱ kʼoa kʼia tʼexkialai Salmo 9:18.] Libro jebi kui bʼéyanajmíná josʼin sʼe̱ndajin kjoa jebi tojo tso ya Biblia. [Takolai kjoaʼmiya 115, tʼinyalai jme xi tsoyaná sén xi faʼaitʼa kʼoa tʼexkialai ninga tojngo testo xi ya nroatʼa.] Kʼiatsa kʼoéxkiai libro jebi nʼio tsjoánganʼioli.” Tajnalai je libro kʼoa kʼoatʼinlai nga skan kʼuínchon ijngokʼalai nga chótʼayao.