“Tsjoacha katamao ngatsʼi ndsʼee”

Én jebi jeme jao jmi nó tjínle nga kichji (1 Ped. 2:17). Tonga ngisasa nʼio basenkaoná nga noʼyá ndʼaibi. Tonga, jósʼin koa̱ntsjoachañá ngatsʼi ndsʼee xi tjío jngo tjíjtsa Sonʼnde. Jósʼiaan nga tsínkʼia kuinjenyʼán je kjoatsjoacha xi tjínná kao je ndsʼee ningalani jetíchangi je xi kjoatsjoacha ʼmi i̱ Sonʼnde (Mat. 24:12). Chótsenlai je video xi Ngatsʼi ndsʼee xi ngóson sʼin makjainná ʼmi kʼoa chótʼayajin je kjoachjonangi xi faʼaitʼa ibi.

1) Kʼiáni nga kinijngokoaa yaoná je naxinandále Niná. 2) Jñánile xi jan koya tjíosʼín ngatsʼi je ndsʼee. 3) Jósʼin bakó je ndsʼee nga tjíonda nga fitsoyason 1) ya ʼnde xi nʼio kjintʼa tjío ya Alaska, 2) ya puerto xi tjío ya Europa kʼoa kao 3) ya jñájchá xi kijna ya Perú. 4) Ánni nga tsín kʼoasʼin si̱kjaʼaitsjensíñá nga ya mangóson kao je xi toxkia xá nga kʼoasʼin ʼmiyasoán. 5) Jósʼin tjíosínʼio kon kʼoa tjíobinyakaongañá xínkjín je testigole Jeobá 1) kʼianga cháonnʼio faʼa, 2) kʼianga jtsíxkón faʼa kʼoa 3) kʼianga tije kjánni kʼoa tijé síkʼienni xínkjín chjota. 6) Jósʼin koakoá nga ñaki tsjoacha kjoaixiaa ngatsʼi je ndsʼee (Juan 13:35). 7) Jmé kjoanda xi tjenkao kʼianga nixájtián nga sʼenda je Ndʼia jña chotʼayá. 8) Kʼianga tsakʼéchjoale je chjotaxá je ndsʼee xi ya Europa kao Rusia tsʼe, jméni xi tsakinyakao nga tsín kinroajen je kjoamakjainle. 9) Jókji kjoama̱ bʼéngi kʼa je testigole Jeobá kʼianga fi je kjoajtíntse xi jan nichxin, kʼoa ánni nga kʼoasʼínni. 10) Jósʼin tsjoánganʼioli video jebi 1) kʼianga tojngo si̱xálai Jeobá kao je ndsʼee, 2) kʼianga kuisenkoai je ndsʼee nga kjoañʼai faʼatojin kʼoa 3) nga kʼuínyasuin tojñani nga tijnai. 11) Jósʼin koa̱n si̱chjén video jebi kʼianga ʼmiyaa je Énle Niná.

Je xi jtín síkatíoná kao ngatsʼi je ndsʼee kuinga tsjoachaa je Jeobá. Nʼio tsjoa maná nga chotʼayá xi tʼatsʼe Jeobá kʼoa nga ʼmiyalee je chjota jmeni xi tiʼyaa tʼatsʼe. Kʼoati tsjoachaa je chjota xi tsjoake Jeobá. Kʼianga binyakoaa ndsʼee jebi nga kjoañʼai faʼatojin, ali tsakuijin xi mená nga Niná tsjoáná kjoanda. Tosa ñá xi nʼio tse kjoanda bʼailee Niná. Nʼio nda sʼele ni̱ma̱ná nga kitsjoaná kjoanda jebi, nga tiyojiaan naxinandále. Nga sa machrian machrianle nga kjoetʼa jmeni xi chon sonʼnde, ñá xi chjotale Cristo maa tosi tonda koakoá nga nʼio tsjoachaa ngatsʼi ndsʼee xi ngóson sʼin makjainná.