Tinyakao je familiano nga tsín katachajinle xi tʼatsʼe Jeobá

Je Jeremías kui xá tsakʼaile nga kʼoakatatsole je chjota judío nga kuichonikjeson nga kʼoasʼin kisichajin tʼatsʼe Jeobá, Ninále (Jer 13:25). Je familia xi kisʼe ya naxinandá Israel alikui tinda tsakationi xi kao Jeobá. Je xi xijchá ma alikui kitjenngi je kjoatéxoma xi faʼaitʼa ya Deuteronomio 6:5-7.

Nichxin xi tiyoaa ndʼaibi, tsa nʼio tjío kjoamakjainle je familia, je jtín kʼoati tsín jme xi koa̱nle. Je xi xijchá ma, koaan kuinyakao je familiale nga tsín katasíchajin Jeobá kʼiatsa ntsjaintsjai skótʼayajtín Biblia ya yaniʼyale (Sl 22:27). Chótsenlao video Je én jebi tjínnele ya kʼoéjnajin ni̱ma̱li: Xi chjonangile familia kʼoa xijekoa̱n, chótʼayajion kjoachjonangi jebi:

• Jmé xi tjíosʼín kʼa familia nga kjima tjíokotʼayajtín Biblia ya yaniʼyale.

• Jmé kjoanichikontʼain tjíosʼele nga kʼoasʼin bʼéndajin nga kotʼayantsjai kao familiale.

• Jmé kjoa xi bʼetʼana kʼianga chotʼayajtínjin Biblia ya yaniʼyana kʼoa jmé xi koa̱n sʼian kʼianga tsín kʼoakatama.