Si̱chjén je tarjeta de contacto xi tsʼe jw.org

Nʼio maxátíyale nga kʼuínyasoán, nga̱ je kjoañʼai xi nʼio tse sa chrian sa chrian tíjna (Pr 24:11, 12, 20). Jngo koya josʼin kuisenkoaa je chjota nga katabe jotso je Énle Niná kʼoa nga katabe je sitio xi tíjnaná ya Internet, kuinga si̱chjén je tarjeta de contacto xi ts’e jw.org. Je tarjeta de contacto jngo código faʼaitʼa xi ya bichókaoná jña tíjna je video Ánni nga machjénsíni nga chótʼayai Biblia kʼoa kʼoatsole chjota tsa mele nga skótʼaya je Biblia. Tjínkʼa chjota xi tsín mandosinle je xo̱n xi nikʼabísoán, tonga mele nga kjoaʼasʼen ya jw.org. Je chjota jebi koaan kʼoai jngolee tarjeta de contacto. Tonga alikui koa̱n kʼoailee je chjota xi tsín mandosinle je Énle Niná.

Tojñani nga titsomaa koaan i̱ kʼuínlee je chjota: “Sikájnale tarjeta jebi. Je dirección xi tsʼe Internet xi faʼaitʼa ibi nʼio nkjín koya xi koa̱nsjaitʼali kʼoa kao video xi nʼio nkjín koya jmeni xi tínchja̱ni, kʼoa tokjoatjaoní” (Jn 4:7). Je tarjeta jebi ʼndí kjoan kʼoa koaan chʼa̱ntsjé kʼoa kʼoailee chjota tokʼiani nga skénndiaa.