Jósʼiaan nga ndasa kʼuínyasoán: Katamali josʼin si̱chjain je jw.org

ÁNNI NGA NʼIO CHJÍSÍNILE: Ngayeje je xo̱n xi nichjén nga ʼmiyalee je chjota yaa síkasénná ya jw.org. Je tarjeta de contacto kʼoa kao je tratado ʼYáni xi kuitsoyaná jmeni xi nʼio chjonangilee yaoná kui xá kitjoni nga je chjota ya katafaʼasʼen je pájina xi tíjnaná ya Internet. Koaan kʼoasʼin si̱chjén je jw.org kʼianga si̱kasénlee je chjota jngo xo̱n xi nichjén kʼianga ʼmiyaa, kʼoa ngisaa tsa je tiʼmiyalee jngo chjota xi kjaʼaí én male. Kʼoa sakʼoaa kʼoati kui kjonanginá je chjota jmeni xi tsín ya faʼaitʼa je xo̱n xi nichjén kʼianga ʼmiyaa. Kʼiatsa nda koa̱nná si̱chjén je pájina xi tíjnaná ya Internet ngisaa nda kʼuínyasoán.

JÓKOA̱N SʼIAAN:

• 

  Tichjain xi faʼaitʼa jñani “XI TSOYA BIBLIA” tso. Tobʼelañá, tsa jelani tichjakaonajmí jngo xi nʼai ma xi kui makjáojinle tʼatsʼe josʼin sijchá je ʼndíxtile, koaan tjasjai ya jñani XI TSOYA BIBLIA > JE KJOABIXAN KAO FAMILIA tso.

• Tichjain xi faʼaitʼa jñani “XO̱N KAO GRABACIÓN” tso. Tobʼelañá, tsa jngo xi tsʼa xti je tífákaonajmí je xi ñatjen fi skuela kʼoa kui mele kuitsoyale jotso je foyeto 10 koya jme xi kjonangi xi sʼa xti, koaan kjoasjai ya jñani XO̱N KAO GRABACIÓN > LIBRO KAO FOYETO tso.

• Tichjain xi faʼaitʼa jñani “XI TʼATSAINJIN” tso. Tobʼelañá, tsa je tichjakaonajmí je xi ñatjen nixái kʼoa kui xi meli nga kʼuínyalai tʼatsʼe jmeni xi makjainná, koaan tjasjai ya jñani XI TʼATSAINJIN > XI NʼIO KJONANGI JE CHJOTA tso.

KʼIANGA JECHÓTSENLAI JE VIDEO KATAMALI JOSʼIN SI̱CHJAIN JE JW.ORG, TIKJAʼAITSJENJIN JOSʼIN KOA̱N SI̱CHJAIN JE PÁJINA XI TÍJNANÁ YA INTERNET KʼIANGA:

• Chja̱kaonajmí jngo chjota xi tsín makjainle tʼatsʼe Niná.

• Si̱nʼiui kon jngo chjota xi kjoa tíjnajin.

• Kuisenkoai jngo ndsʼee xi jekisikʼéjna je xále Niná.

• Kʼuínyai jñá tínroani je tao̱n xi kjimachjén kʼianga tíʼmiyason je Énle Niná.

• Kuisenkoai jngo chjota xi xin naxinandále nga katafi kjoajtín kʼianga kuichoni ʼndele.