Ya jw.org tjasjai kjoafaʼaitsjen xi koasenkaoli

Je Énle Niná basenkaoná nga chókjoajinná kjoa xi bitjatojiaan nichxin fetʼa xi tiyoaa ndʼaibi (2Ti 3:1, 16, 17). Nga kjaʼaí kjaʼaí kjoa bitjatojiaan nga jngó jngoá sakʼoa kui machjénná je kjoafaʼaitsjen xi ñásoa koasenkaoná. Tobʼelañá, a kui kjoafaʼaitsjen machjénli josʼin si̱jchái je ʼndíxtili. A kjoaba tijnajin nga kinichai je xʼinli kʼoa tsa chjoónli. Tsa sʼa xti, a kui kjoamakjainli tíchotʼayakao. Yaa jw.org koa̱nsjainá kjoafaʼaitsjen xi ya Biblia yʼangini xi koasenkaoná tsakui kjoa jebi kʼoa tsa kjaʼaínile tibitjatojiaan (Pr 2:3-6).

Nga kuitjásʼain ya página jw.org tjasjai jñani “Xi tsoya Biblia” tso kʼoa jngo koya chjoéjin xi faʼaitʼa (sén 1). Tsa maije̱ koaan tjasjai jñani “Xo̱n kao grabación” tso, xijekoa̱n jñani “Nkjín koya nchja̱ni xi faʼaitʼa i̱bi” tso kʼoa jngo koya chjoéjin xi faʼaitʼa (sén 2). Tikuini xi faʼaitʼa ya JW Library^®.a Koaan chótʼai jmeni xi faʼaitʼa. Xi kʼoati koa̱n sʼiain kuinga ya kʼoétʼai jmeni xi mele jchai jñani tíjna xi jo lupa kji ya jw.org.

Kui jebi tʼetʼai jñani tíjna xi jo lupa kji kʼoa tʼetʼaxuin jñanile xi mele kʼoéxkiai.

• Jósʼin kʼuínyalao je xtino

• Xi kuinyakao xi sʼa xti

• Tʼatsʼe kjoabiya