“I tijna. An tikasénnái”

Nʼio nda choa̱ tsakʼéjnaná je Isaías xi koa̱n chjénngiaa. Tsakakó nga kisʼele kjoamakjain kʼoa kjitʼanangi ki jñani machjén nganʼio, ninga tsín be jñani si̱kasén (Isa 6:8). A koaan kʼoasʼin kʼoéndajiaan tsa kʼoakoa̱nná nga ya kjuinkʼainganʼioá jñani ngisa machjén xi jetsoyason (Sl 110:3). Tonga machjén nga tongini nda kjoanla chósonnilee (Lu 14:27, 28, Traducción del Nuevo Mundo). Kʼoati tjínnená nga si̱katioá tsa jmeni nga kʼuínyasoán je énnda chjotse (Mt 8:20; Mr 10:28-30). Je video Yaa kikatio jñani nʼio machjén xi jetsoyason kui bakóyaná nga nʼio tse kjoanda sokóná nga je Jeobá nixálee tikʼoajinni jmeni xi nikatioá.

KʼIANGA JECHÓTSENLAI JE VIDEO, CHÓTʼAYAJIN KJOACHJONANGI JEBI:

• Jméni xi kisikatío je Williams kao familiale nga koan kitsjoánganʼio ya Ecuador.

• Jméni xi títjonkjoanla kuenta kisʼin nga kjesa kjoéjinjin jñani koai.

• Jmé kjoanda xi kisokole.

• Jñáni koa̱nsjainá tsa mesaná jchaa xi tʼatsʼe jñani nʼio machjén xi jetsoyason.

KʼIANGA CHÓTʼAYAJTÍON YA YANIʼYANO, CHÓTʼAYAJION KJOACHJONANGI JEBI:

• Jókoa̱n sʼiaan nga koa̱n tsesa si̱xálee Jeobá kao familianá (km-S 8/11 p. 4-6).

• Tsa tsín kʼoakoa̱nná nga ya koanngián ya jñani nʼio machjén xi jetsoyason, jósʼin kʼoainganʼioá ya jtín jña mangián (w16.03-S p. 23-25).