Ya tʼinkʼainganʼiui jñani ngisa machjén xi tsoyason

Kjoamakjain machjénná kʼianga xin ʼnde kjuinkiyoaa nga kʼoainganʼioá jñani ngisa machjén xi tsoyason (Heb 11:8-10). Tsa kʼoasʼin tibʼendajin chja̱kaonajmí xi chjotajchínga sʼin tjío ya jtín jñani ʼmi. Jmé xi koasenkaoli nga jchai tsa kʼoakoa̱nli kʼoasʼin si̱xálai Niná kʼoa nga nda chjoéjin jñani kʼuín. Chótʼayajin jmeni xi tso je xo̱n xi bʼasje naxinandále Niná kʼoa chja̱kaonajmí je ndsʼee xi xin ʼnde jesa kitsjoánganʼio (Pr 15:22). Kʼoatʼinlai Jeobá nga katabándiaali (Snt 1:5). Tjasjaiyai jochon ʼnde jñani meli kʼuínkʼainganʼiui. Kʼoa tsa kʼoakoa̱nli, koaan yaa tʼin jngo jao nichxin nga kjesa chjoejinjin jñani kʼuín.

KʼIANGA JECHÓTSENLAI JE VIDEO KAO KJOAMAKJAIN TSESA TIXÁLAI NINÁ. YA TʼINKIJNAI JÑA NGISA MACHJÉN XI TSOYASON, CHÓTʼAYAJIN KJOACHJONANGI JEBI:

• Jméni xi ñʼai koanle Gabriel, kʼoa jméni xi tsakasenkao.