Je kjoachjine xi tʼatsʼe Niná tínroani basenkaoná nga tsín xíngiaa chʼasjengiaa

Je Jeobá alikui chjota faʼájin (Hch 10:34, 35). Sasénle chjota “xi tsʼe ngatsʼi ʼnde, kao ntje̱, kao naxinandá, kao én” (Ap 7:9). Kuinga je xi ya tjíojin jtínle Chjotale Cristo nga tsín koa̱n nga kjoaʼajin xínkjín kʼoa nga tsín koa̱n kʼoasjengi xínkjín (Snt 2:1-4). Je kjoachjine xi tʼatsʼe Niná tínroani tíbasenkaoná nga nyʼán tiyoaa kʼoa nga jtín tiyoaa kʼoa tiʼyañá josʼin basenkao je chjota nga síndaya yaole (Isa 11:6-9). Nga tibʼenelee yaoná nga tsín xíngiaa chʼasjengiaa, tibakoñá nga je Niná tichjenngilee (Ef 5:1, 2).

CHÓTSENLAI JE VIDEO JOHNY KAO GIDEON: JTIKE KOAN XÍNKJÍN TSAKAI KʼOA NDʼAIBI NDSʼE̱E FÁO. XIJEKOA̱N, CHÓTʼAYAJIN KJOACHJONANGI JEBI:

• Ánni nga tokui je kjoachjine xi tʼatsʼe Niná tínroani xi tjíobinyakao je chjota nga tsín titotaon beni xínkjín kʼoa nga tsín tibʼasjengini xínkjín.

• Jméni xi ngisa nʼio sasénli josʼin tíjna je naxinandále Niná jngo tjíjtsa Sonʼnde.

• Ánni nga kʼoabixónñá nga je Jeobá bitjongʼa nga kʼoasʼin jtín tiyoaa.