Kʼoétsʼoantjé je ndsʼee xi chjota tjíofitjenngike

Je Biblia jetongini kʼoakitso kʼianga koaitjenngikená je Na̱i nga kʼoechjoaná nga kʼuínyasoán (Jn 15:20; Ap 12:17). Koaan kuinyakoaa je ndsʼee xi chjota tjíofitjenngike, nga kʼoétsʼoantjé. Ya Biblia kʼoatso kʼianga je kjoabʼetsʼoale chjota xi kixi tse nganʼio tjínle (Snt 5:16).

Jósʼin koa̱n kʼoétsʼoantjé. Kʼoakʼuínlee je Jeobá nga katatsjoále kjoanʼiojin je ndsʼee kʼoa nga katabasenkao nga tsín katatsokjón (Isa 41:10-13). Kʼoati koa̱n si̱jé nga katatsjoáʼndená je chjota xi xá tjínle nga kʼuínyasoán “jméni nga nyʼán kuiyosínía, kʼoa jméni nga tojbi koangínkaosínía yaoná” (1Ti 2:1, 2).

Kʼianga kitjenngike chjota je Pablo kao Pedro, je chjotale Cristo xi ngikʼa tsakʼétsʼoantjai kʼoa saʼnda kisikʼaxki jaʼaínle (Hch 12:5; Ro 15:30, 31). Tikʼoasʼinniñá, ninga tsín ʼyaa joʼmi je ndsʼee xi chjota tjíofitjenngike, tonga koaan si̱kʼaxkiaa je jtín, naxinandá kʼoa ʼnde jñani kʼoakjima.

Tʼetʼai naxinandá jñani chjota tjíofitjenngike naxinandále Niná kʼoa xi meli kʼoétsʼoantjai.