Kuinyakoaa je ndsʼee xi tsín tisísinni tʼatsʼe Niná

Nga xki̱ nó, kʼianga faʼaitsjenya Kjoabiyale Cristo, nʼio nkjín xíngiaa bichó xi tsín tisísinni tʼatsʼe Niná. Ninga jetjíosíxále Niná tsakai, tochan kisikinroajen kon kʼoa nkjín koya jme xokisikao, jolani je xi faʼaitʼa ya foyeto Jehová desea que vuelva (Heb 12:1). Ninga tsín tisísinni ndsʼee jebi, je Jeobá tojo nʼio chjí bekon, nga̱ kao njínle ʼNdíle tsakatseni (Hch 20:28; 1Pe 1:18, 19). Jósʼin kuinyakoaa nga katafaʼaikatiojin ijngokʼani je jtín.

Je xi chjotajchínga sʼin tjío bʼéndajin nga fikjákaonajmí kʼoa nga binyakao je ndsʼee xi tsín tisísinni tʼatsʼe Niná, tojo sʼín jngo chjota xi barré koʼnda nga bʼénele yaole nga básjai tsa jngo barréle kacha (Lu 15:4-7). Nga kʼoasʼín kui bakó nga mandosinle Jeobá xi jekisikjinle naxinandále (Jer 23:3, 4). Tonga ali tsa tojejin xi chjotajchínga sʼin tjío kjinele xá jebi, ngatsʼiñá nga koa̱n kʼoainganʼiolee. Tsa kʼoénelee yaoná nga koakoá kjoanda kao kjoatsjoacha, nda sʼe̱ kon je Jeobá kʼoa nʼio nda kuichomani (Pr 19:17; Hch 20:35). Tsa ʼyaxkoaan jngo ndsʼee xi jekisikjinle naxinandále Niná kʼoainganʼiolee kʼoa ndi̱to̱n kʼoasʼiaan.

CHÓTSENLAI JE VIDEO KUINYAKOAA XI TSÍN TISÍSINNI TʼATSʼE NINÁ KʼOA CHÓTʼAYAJIN KJOACHJONANGI JEBI:

• Jókisʼin je Abbey kʼianga tsabexkon jngo tichjaa xi tsín tisísinni tʼatsʼe Niná.

• Ánni nga ndatjínsíni nga je kʼoakʼuínlee je xi chjotajchínga sʼin tjío kʼiatsa mená kuisenkoaa jngo xi jekisikjinle naxinandále Niná.

• Jósʼin tongini tsakʼejnanda je Abbey nga kjesa fikon ijngokʼajinle je Laura.

• Jósʼin tsakakó kjoatsjoacha kao kjoatsejta je Abbey kʼianga tsakasenkao Laura, kʼoa jósʼin kjitʼa kikonle.

• Jmé xi bakóyaná je choa̱ xi tsakʼéjna Jesús ya Lucas 15:8-10.

• Jósʼin kichomani nga nʼio tsakʼénele yaole je xi tsakinyakao Laura.