Je Jeobá katabitjongʼa josʼin si̱chjén kjoabijnachonná

Je kjoabijnachon jngo kjoatjao xi nʼio chjíle. Josʼin mangínkoaa yaoná kui bakó jokji chjí ʼyaa. Ngatsʼi xi testigole Jeobá maa chʼasjeñá nganʼio nga kʼoasʼin nichjén jme xi maná nʼia nga je Jeobá chʼasjengʼaa, nga̱ jé títsjoá kjoabijnachon (Sl 36:9; Ap. 4:11). Tonga tsakui nichxin kʼoetʼaná je kjoa xi tjínná nga nyaon nyaon kʼoa tsín tikui kuenta sʼianñá jme xi mená kuichotjenngiaa tsakai josʼin tinixálee Niná (Mr 4:18, 19). Kuinga tjínnenile nga chjónangilee yaoná: “A kui titsjoale Jeobá jme xi ngisasa nda tjínna (Os 14:2). Jósʼin bʼétʼana je xána kao je carrera xi kiskoejian josʼin tisixále Jeobá. Jmé xi mena kuichotjenngia. Jósʼin koa̱n nga ngisasa tse sixále Niná”. Tsa bele tokoán nga koa̱n tsesa si̱xálee Jeobá, si̱jélee nganʼio kʼoa kʼoéndajiaan josʼin nga kuitjosonná. Nga je Jeobá chʼasjengʼaa nichxin nga nyaon tsjoa báya tokoán (Sl 61:8).

CHÓTSENLAI JE VIDEO TICHJÁIN JME XI MALI NʼIAI NGA SI̱XÁLAI JEOBÁ KʼOA CHÓTʼAYAJIN KJOACHJONANGI JEBI:

• Ánni nga tsín ndatjínni tsa i̱ sonʼndele Na̱i si̱chjén jme xi maná nʼia (1Jn 2:17).

• Jmé kjoanichikontʼain bʼaile je xi kui tsjoále Jeobá xi ngisasa nda xi tjínle.

• Jósʼin meli si̱chjáin jmeni xi mali nʼiai kʼianga si̱xálai Jeobá.