Choa̱ xi tsʼe trigo kao jñá xi tsín nda

Je Jesús kui choa̱le je trigo kao jñá xi tsín nda kisichjén nga kitsoya kʼiáni kʼoa jósʼin skoéjin chjotale xi koatexomakao ya ngʼajmi, xi tsonile je trigo, kʼiaa tsakʼétsʼiakaoni nga kiskoejin nga nó 33.

13:24

Jngo “chjota xi nda na̱xi̱n bʼéntjeson nangile”.

• Je xi bʼéntje: Je Jesucristo

• Sʼentje je na̱xi̱n xi ñaki nda: Kao nganʼiotsje kitjoejinni je chjotatjenngile Jesús

• Nangi: Je chjota xi tjío Sonʼnde

13:25

“Kʼia nga kjiofe chjota, jaʼai xi kontrale, kʼoa jñá xi tsínkui nda tsakʼéntjejin trigo”.

• Je kontra: Je Na̱i

• Nga kjiofe chjota: Nga jekʼien ngatsʼi je pastro

13:30

“Ñatje̱n katamajchá nga jao kʼa, saʼnda nga sʼe̱xkó”.

• Je trigo: Je chjotale Cristo xi ya koai ngʼajmi

• Je jñá xi tsín nda: Je chjotandiso xi chjotale Cristo tsole yaole

“Tʼexkótítjon jñá xi tsín ndabe [...] Tonga katinya je trigobe yaya ningʼana”

• Je choʼnda/ xi bʼéxkó: Je ánkje

• Sʼexkó je jñá xi tsín nda: Xin nikatíole xínkjín je chjotandiso kao je chjotale Cristo xi ya koai ngʼajmi

• Xinyáxkó je trigo ya yaningʼa: Kʼiaa kitsʼiani nga kinikatíoxkó je chjotale Cristo xi ya koai ngʼajmi ya jtín xi tsʼe Cristo kʼianga jekoantsje

Jósʼin tsaʼyanile je xi ñaki chjotale Cristo ma kʼoa ʼyani xi mai kʼianga kichoka choa̱le nga kisʼexkó.

Jósʼin basenkaona nga majinna je choa̱ jebi.