Tʼenelai yaoli nga katasʼeli kjoachjine xi tʼatsʼe Niná tínroani

ÁNNI NGA NʼIO CHJÍSÍNILE: Jéní Jeobá xi ngisasa nda bakóyaná. Tsoyaná jósʼin nga ngisa nda kuiyoaa kʼoa síkatíondaná tʼatsʼe nichxin xi nroaján. Ninga kʼoalani, alikui síkʼéchjíná (Isa 11:6-9; 30:20, 21; Ap 22:17). Je kjoachjine xi tsjoáná Jeobá basenkaoná nga ma ʼmiyalee xi kjaʼaí chjota jmeni xi koa̱n sʼin kʼianga sʼe̱le kjoabijnachon xi tsínkʼia fetʼa (2Co 3:5).

JÓKOA̱N SʼIAAN:

• Ndʼé kʼoa nangitokon katamai (Sl 25:8, 9).

• Titjosuin jmeni xi bʼakaoli, tobʼelañá, nga sʼejnaná je kjoajtín nga jinle xomana.

• Tongini tʼendajin josʼin si̱xálai je Niná (Flp 3:13).

• Tʼenelai yaoli tojoni nga ngisasa tse katatsoyali je Jeobá (Flp 3:8).

KʼIANGA JECHÓTSENLAI JE VIDEO JMENI XI TSOYANÁ JE JEOBÁ NʼIO TSE KJOANICHIKONTʼAIN TJENKAO, CHÓTʼAYAJIN KJOACHJONANGI JEBI:

• Jméni xi ñʼai koanle je ndsʼee kʼianga koan ki je Skuela xi síchjine je xi bakóyason tʼatsʼe Chjotaxále Niná.

• Jósʼin basenkaoná je Skuela xi síchjine je xi bakóyason tʼatsʼe Chjotaxále Niná.

• Jméni xi kisʼin je ndsʼee xi ya tjío jtín jñani kicho je xi ki skuela jebi nga katamangale.

• Jméni xi machjén nga koa̱n kjuian je Skuela xi síchjine je xi bakóyason tʼatsʼe Chjotaxále Niná (kr-S 189).

• Jñásanile skuela xi tʼatsʼe naxinandále Niná tínroani xi koa̱n kʼuín.