A meli kʼuín je Skuela xi síchjine je xi bakóyason tʼatsʼe Chjotaxále Niná

Koaan tʼendai solicitud tsa meli kʼuín je Skuela xi síchjine je xi bakóyason tʼatsʼe Chjotaxále Niná, kʼiatsa 23 nóli kʼoa tsa 65 nóli, tsa ñaki toxále Niná tinʼiai, tsa tsín jme chʼin tjínli kʼoa tsa tijnandai nga kʼoainganʼiui ya jñani ngisa machjén xi tsoyason. Saʼnda nga kitsʼia skuela jebi, nkjín ndsʼee xi jechixan, tichjaa kao ndsʼee xi tjíotoje xi fi skuela jebi. Tonga ngisaa nʼio machjén je ndsʼee xi tjíotoje. Tʼetsʼoalai je Jeobá kʼoa kʼoatʼinlai nga ngisasa tse meli si̱xálai kʼoa nga meli kʼuíntjenngi je choa̱le Jesús (Sl 40:8; Mt 20:28; Heb 10:7). Xijekoa̱n, tikjaʼaitsjain josʼin kʼoéndajin je xá xi nʼiai, ánni nga koa̱n kʼuínni skuela jebi.

Jmé xi tjíosʼín ndsʼee xi jeki skuela jebi. Tjínkʼa xi ya nikasén jñani kjaʼaí én nokjoa kʼoa tsa ya bakóyasonje̱ ya ciudadyʼai. Tjínkʼa ndsʼee xi je fingajaole je superintendente xi tsʼe circuito kʼianga tsín kʼoamale nga fisíxatʼa je jtín, xi superintendente xi tsʼe circuito sʼin síxá, kʼoa tsa xi misionero ma xi tiyani naxinandále. Kʼianga si̱kjaʼaitsjenjin josasʼin koa̱n si̱xálai Jeobá, kuenta tʼiain nga i̱ kitso je profeta Isaías: “I tijna. An tikasénnái” (Is 6:8).

KʼIANGA JECHÓTSENLAI JE VIDEO XI MISIONERO MA: NʼIO TSOYASON, CHÓTʼAYAJIN KJOACHJONANGI JEBI:

• 

  Jósʼin tjoéjin je xi misionero ma.

• 

  Jmé xá xi tjíosʼín je xi misionero ma.

• 

  Jmé kjoanichikontʼain xi sokóle je misionero.