Kjoatsjoacha bakoá kʼianga bʼainganʼioá josʼin batekjáya Jeobá

Jé jtín xi makuindani kʼianga bichonsjejin je xi tsín kʼoamanile je jéele kʼoa kʼoasʼin tikjáyanile jmeni xi kasʼín (1Co 5:6, 11). Kjoatsjoacha bakoá kʼianga nitjosoán josʼin batekjáya je Jeobá. Tonga jósʼin bakoñá kjoatsjoacha nga̱ kjoaba tjenkao nga tjín xi bichonsjejin kʼoa ngisaa tsa xíngiaa mani kʼoa tsa jeje̱ xi ya tjíojinle je comité judicial.

Xi títjon, kʼoasʼin bakoñá nga tsjoachaa kʼoa nga ʼyaxkoán je Jeobá kʼoa kao jmeni xi tsoná tʼatsʼe josʼin tjínnele kjuinkoaa yaoná (1Pe 1:14-16). Kʼoa xi ijngosani, bakolee kjoatsjoacha je xi bichonsjejin. Ninga aon maná, “tonga skanni tsjoále kjoakixi xi nyʼán tjín je xi tínikinyákixi” (Heb 12:5, 6, 11). Kʼiatsa tojo je si̱miyoaa je xi tsakichonsjejin kʼoa tsa je xi tsín timenile nga testigole Jeobá koa̱n, alikui tibʼaiʼndelee nga je Jeobá tíbatekjáyale chjota jebi. Kuenta sʼiaan nga je Jeobá kʼoakji batekjáya “jokji tjen choa̱le” (Jer 30:11). Kʼoainganʼiolee je Jeobá kʼoa tosi tonda kʼoasʼiaan je xá xi tíbánená kʼoa tosa chóyala nga katafaʼai ijngokʼani jinnaxinandále je xi tsakichonsjejin (Is 1:16-18; 55:7).

KʼIANGA JECHÓTSENLAI JE VIDEO ÑAKI KIXI KJUINTʼALEE JEOBÁ KAO NGAYEJE NI̱MA̱NÁ, CHÓTʼAYAJIN KJOACHJONANGI JEBI:

• 

  Jósatío kon je xi xijchá ma kʼianga tsín tije Jeobá síxánile je xtile.

• 

  Jósʼin koa̱n tsjoánganʼiole jtín je familia xi kui kjoa tjíofaʼatojin.

• 

  Jñánile je choa̱ xi faʼaitʼa Biblia xi bakó nga ngisa nʼio chjíle nga kixi mangíntʼalee Jeobá tikʼoajinni je familianá.

• 

  Jósʼin bakoñá nga ngisa kixi mangíntʼalee Jeobá tikʼoajinni je familianá.