Kjoatsjoacha tjenkao nga batekjáyaná Jeobá

Kʼianga ʼmiyaná kʼoasʼin tikjáyaniná kʼoa jmeni xi sakóyaná basenkaoná nga nindayaa yaoná. Je Jeobá kui xá batekjáyaniná nga je kʼoétsʼoalee (Ro 12:1; Heb 12:10, 11). Tsakui nichxin aon sʼe̱ tokoán kʼianga tikjáyaná. Tonga tsa si̱tjosoán ndasʼin kuiyoaa ngixko̱n Jeobá kʼoa tsee kjoanichikontʼain tsjoáná (Pr 10:7). Jméni xi tjínnele kuenta sʼin je xi batekjáya kʼoa kao je xi bichakjáyale.

Je xi batekjáya. Je xi chjotajchínga sʼin tjío, xi xijchá ma, kʼoa kao xi ngikʼa ndsʼee ngasin nganda batekjáyaná, tojo sʼín je Jeobá (Jer 46:28). Ningalani ai jée xi kabajngi je chjota machjén nga ñaki kao kjoatsjoacha tíkjáyanile (Tit 1:13).

Je xi tikjáyale. Ningalani tíkjáyaná, machjén nga kjitʼa nangi si̱tjosoán je kjoafaʼaitsjen xi kʼoainá (Pr 3:11, 12). Nga chjotajée maa, machjén nga tikjáyaná. Jmeni xi majinná nga bʼexkiaa je Biblia kʼoa jmeni xi sakóyaná nga mangían kjoajtín kʼoasʼin bichakjáyaniná. Kʼoa tsa saʼnda comité judicial koatekjáyaná. Tsa si̱tjosoán kʼoa tsa si̱ndayaa yaoná ndasʼin kuiyoaa kʼoa so̱koná kjoabijnachon xi tsínkʼia fetʼa (Pr 10:17).

KʼIANGA JECHÓTSENLAI JE VIDEO JE JEOBÁ TSJOÁLE KJOAÑʼAI JE XI TSJOAKE, CHÓTʼAYAJIN KJOACHJONANGI JEBI:

• 

  Jósʼin koanjchínga je Canon, kʼoa jmé xi kisʼin nga koanskanni.

• 

  Jósʼin tsakatekjáyale je Jeobá.

• 

  Jmé xi bakóyaná je kjoa xi jaʼatojin Canon.