Jon xi xijchá mao tongini tʼinyalao je ʼndíxtino

Je chjota kʼoatso nga chʼaotjín je xi ndatjín kʼoa nga ndatjín je xi chʼaotjín (Is 5:20). Nkjín chjota xi kui kʼoasʼín jmeni xi jtike je Jeobá kʼoa nga tixʼin xínkjín kʼoa tiyánchjín xínkjín fayokaoni. Tsakui nichxin je xti xi ñatjen tjíoma skuela je ʼndíxtino kʼoa tsa kjaʼaí chjota kʼoakuitsole nga kui kʼoakatasʼín xi chʼaotjín. Jósʼin tongini kʼuínyalao jméni xi sʼin kʼiatsa kuilani kjoa jebi kjoaʼatojin.

Tʼinyalao jotso je kjoatéxomale Jeobá (Le 18:3). Jokji nga jekjimajchínga, tʼinyalao jmeni xi tso je Biblia tʼatsʼe jotjínni nga xínkjín fayokao chjota (Dt 6:7). Tikjaʼaitsjenjion jebi: “A xinyale je ʼndíxtina jméni xi koa̱n kʼoasʼin kʼoa jméni xi mai kʼianga koakole kjoatsjoacha xi kjaʼaí chjota. A majinle ánni ndatjínni nga ndakjoan najño kʼoa̱kjá. A majinle ánni nga tsín koa̱n kjaʼaí chjota kjoaʼasʼenneni jñani tjío. Kʼoa a majinle jmeni xi sʼin kʼiatsa ʼya xi kui sén koakole jñani tokjiojti chjota kʼoa tsa ʼya xi kʼoakuitsole nga kui xi chʼaotjín kʼoakatasʼín”. Kʼiatsa majinle ʼndíxtino jebi, alikui jme kjoa jtsaojin (Pr 27:12; Ec 7:12). Kʼianga tongini ʼmiyalee je ʼndíxtiná kʼoasʼin bakoñá nga chjí ʼyaa je kjoatjao xi kitsjoaná Jeobá (Sl 127:3).

KʼIANGA JECHÓTSENLAI JE VIDEO KUI KʼOÉNDAA NDʼIA XI NʼIO KATASʼEJNA: SI̱KUINDAA ʼNDÍXTINÁ NGA TSÍNKUI KATATSAOJIN XI CHʼAOTJÍN, CHÓTʼAYAJIN KJOACHJONANGI JEBI:

• 

  Ánni nga ñʼai ma kʼanile xi xijchá ma nga kui fákaoni je ʼndíxtile jotjínni nga xínkjín fayokao chjota.

• 

  Ánni machjénni nga kʼoasʼin koakoyale je ʼndíxtile xi xijchá ma jotso je kjoafaʼaitsjen xi tsjoá Jeobá (Ef 6:4).

• 

  Jméni xi títsjoále je naxinandále Jeobá je xi xijchá ma (w19.05 12).

• Ánni nga tjínnenile kjoakaonajmí je ʼndíxtile xi xijchá ma nga kjesa kjoa jtsaojinjin.