Tikuindao je kjoabixanno

Je Jeobá nʼio chjí bekon nga tsjoále énle xínkjín xi bixan, kʼoa kui xi mele nga tosi tonda katabatiokao xínkjín xi jechixan (Mt 19:5, 6). I̱ jinnaxinandále Jeobá, nʼio nkjín mani xi jechixan xi tsjoa tjío kon. Tonga jebi alikui xi tsonile nga chjotatsje kʼoa tsa tsín jme kjoa sʼele. Alikui koa̱n kʼoasʼin sikjaʼaitsjen xi jechixan nga ngisa ngotjo sʼe̱ndajinni je kjoa xi sʼele kʼiatsa tsjion xínkjín kʼoa tsa kuinyatʼaxinle xínkjín. Jmé xi tjínnele sʼin xi jechixan nga sikuinda kjoabixanle.

Aonla koya kjoafaʼaitsjen kataʼyaa.

1. Tikuindai ni̱ma̱li kʼoa ali jejin si nikoai xi tsín chjoónli kʼoa xi tsín xʼinli mani kʼoa alikuijin bʼetsaojinkoai je xi kjoajndí tjenkao. Jebi kui xi tsín tinda síkatíoni xi jechixan (Mt 5:28; 2Pe 2:14).

2. Tosi tonda je Jeobá timiyui kʼoa kʼoasʼin tijnakoai je chjoónli kʼoa tsa xʼinli josʼin sasénle je Niná (Sl 97:10).

3. Tosi tonda kʼoakatamakjoaon josʼin mele Niná kʼoa jmeni xi nʼiao tako nga tsjoachao xíngio (Col 3:8-10, 12-14).

4. Cho̱banajmíkao xíngio kʼoa takolao kjoaxkóntokon (Col 4:6).

5. Tako kjoatsjoacha kʼianga soyokao xíngio (1Co 7:3, 4; 10:24).

Kʼianga bexkón kjoabixan je chjotale Cristo, jeni Jeobá tjíobexkón.

KʼIANGA JECHÓTSENLAI JE VIDEO MACHJÉN NGA KAO KJOAKA TÓKAA: JOSʼIN TJÍNNDAJIN NGA TÓKAA TOSI TONDA KʼOASʼIAAN, CHÓTʼAYAJIN KJOACHJONANGI JEBI:

• 

  Ningalani ndasʼin batiokao xínkjín je xi tosʼa bixan, jmé kjoa xi sʼele.

• 

  Jósʼin koasenkao je kjoafaʼaitsjen xi faʼaitʼa Biblia je xi kʼoasʼin síkjaʼaitsjen nga tsín titsjoakeni xínkjín.

• 

  Jmé kjoafaʼaitsjen xi tsjoále Jeobá xi jechixan.

• Jmé xi tjínnele sʼin je xi xʼin kao xi chjoón nga ndasʼin koatiokao xínkjín.