Si̱chjén choa̱

Nga mangínchon ijngokʼalee je chjota kʼoa tsa jeje̱ xi Biblia ʼmiyalee tjínnele kuisenkoaa nga katamajinle jmeni xi nʼio tjínle kjoandosin. Kʼiatsa choa̱ si̱chjén, ngisaa ndi̱to̱n koa̱njinle jmeni xi kʼuínyalee kʼoa tsín tokjoán chajinle.

Kʼianga kuijnandakoai jmeni xi kʼuínyalai je chjota xi kʼuínnixatʼai kʼoa tsa je xi estudio bʼailai, kui tikʼaxki̱ jmeni xi ngisa nʼio tjínle kjoandosin. Xijekoa̱n, tichjain choa̱ xi choa ñʼai tjío kʼoa xi be je chjota (Mt 5:14-16; Mr 2:21; Lu 14:7-11). Kuenta tʼiain je chjota kʼoa josʼin tísíjchá yaole (Lu 5:2-11; Jn 4:7-15). Tsjoa sʼe̱ tokuin kʼianga koa̱njinle je chjota jme xi kaʼmiyalai.

KʼIANGA JECHÓTSENLAI JE VIDEO TSJOA SATÍO TOKOÁN NGA ʼMIYALEE CHJOTA. JÓSʼIAAN NGA NGISA NDA KʼUÍNYAA: SI̱CHJÉN CHOA̱, CHÓTʼAYAJIN KJOACHJONANGI JEBI:

• 

  Ánni machjénsíni nga katamajinle je chjota jmeni xi tso je Biblia.

• 

  Jmé choa̱ xi kasíchjén Rita nga katsoya jmeni xi tso Romanos 5:12.

• 

  Jósʼin koasenkao je chjota tsa tongini si̱kjaʼaitsjenjiaan je choa̱ xi koatiolee.

• Ánni machjénsíni nga video si̱chjén kʼoa kao jmesani xi bʼasje je naxinandále Niná.