Basenkaoná Jeobá kʼianga bʼetsʼoalee

Jé Jeobá xosʼín nga bichókajin ni̱ma̱le jngo chjota je Énle Niná (1Co 3:6-9). Tsa mená nga kuichokajin ni̱ma̱le chjota je Énle Niná machjén nga ñaki kʼoakʼoé tokoán nga je Jeobá koasenkaoná kʼoa nga kʼoati koasenkao je chjota xi ʼmiyalee.

Kʼoatʼinlai Jeobá josʼin meli koasenkaoli. Kʼoatʼinlai nga katabasenkao je chjota xi ʼmiyalai Biblia nga chókjoajinle je kjoa xi kjoaʼatojin kʼoa nga katabasenkao jñani ñʼai koa̱nle (Flp 1:9, 10). Kʼoatʼinlai Jeobá nga kui nganʼiotsjele katabándiaali jmeni xi sʼiain kʼoa josʼin si̱kjaʼaitsjain (Lu 11:13). Tʼinyalai josʼin kʼoetsʼoa je xi Biblia ʼmiyalai kʼoa kʼoatʼinlai nga katabʼétsʼoa. Ñatjen tʼetsʼoai kao je kʼoa tikʼaxki̱ jaʼaínle nga kʼoétsʼoantjai.

KʼIANGA JECHÓTSENLAI JE VIDEO TSJOA SATÍO TOKOÁN NGA ʼMIYALEE CHJOTA. XI SÍCHJÉN JEOBÁ NGA BASENKAONÁ: KJOABʼETSʼOA, CHÓTʼAYAJIN KJOACHJONANGI JEBI:

• Jméni xi ñʼai koanle Rita nga títsoyale Biblia je Coral.

• Jósʼin tsakasenkao Rita jmeni xi tso 1 Corintios 3:6.

• Jméni xi tsakinyakao je Rita kao Coral.