Tisenkoai je xi Biblia ʼmiyalai nga tsínkui kʼoakatasʼín xi tsín sasénle Jeobá

Nga miyole Jeobá koa̱n je xi tiʼmiyalee Biblia, machjén nga tsín tikui kʼoasʼinni xi chʼaotjín (1Pe 1:14-16). Tsa sikatío xi chʼaotjín, koasenkao nga ndasʼin koatio ya yaniʼyale, nga tsín jme chʼin tsaotʼale kʼoa tsakuije̱ nga ngisa koa̱nsonnile tao̱n.

Takoyalai jotso kjoatéxomale Jeobá je xi Biblia tiʼmiyalai, tʼinyalai ánni nga kui kjoatéxoma tsjoáni Niná kʼoa jósʼin basenkaoná nga nitjosoán. Tisenkoai je xi Biblia tiʼmiyalai nga katasíkʼantjaiya josʼin síkjaʼaitsjen, ánni nga kui kʼoasʼinni jmeni xi mele Jeobá (Ef 4:22-24). Kʼoatʼinlai nga je Jeobá koasenkao nga sikʼéjna xi chʼaotjín (Flp 4:13). Kʼoatʼinlai nga tokjoan je Jeobá katasíjéle nganʼio kʼianga kui símekon xi tsín ndatjín. Tisenkoai nga katabe jmeni xi jée ska̱nijin kʼoa kʼoatʼinlai nga tosa kui kʼoakatasʼín xi ndatjín. Nʼio tsjoa sʼe̱ tokuin kʼianga jchai josʼin tíbasenkao Jeobá nga tísíkʼantjaiya yaole je chjota xi Biblia tiʼmiyalai.

KʼIANGA JECHÓTSENLAI JE VIDEO KUINYAKOAA JE XI ʼMIYALEE BIBLIA NGA TSÍN TIKUI KʼOAKATASʼÍNNI XI TSÍN SASÉNLE JEOBÁ, CHÓTʼAYAJIN KJOACHJONANGI JEBI:

• 

  Jókitso xi chjotajchínga sʼin tjío kao Rita nga kʼoakitso Coral nga marihuana kjen.

• 

  Jósʼin tsakasenkao Rita je Coral.

• 

  Jé Jeobá tsakasenkao Coral, tonga jméni xi títjonkjoanla kisʼin.