Tisenkoai je xi Biblia ʼmiyalai nga miyole Jeobá katama

Je Jeobá kui xi mele nga kao kjoatsjoacha si̱xálee (Mt 22:37, 38). Nga tsjoake koa̱n Niná je chjota xi Biblia ʼmiyalee kui xi kuinyakao nga si̱kʼantjaiyani yaole kʼoa nga chókjoajinnile je kjoa xi kjoaʼatojin kʼoa nga koa̱nmele koaisʼenngindá (1Jn 5:3).

Tisenkoai je xi Biblia ʼmiyalai nga katamajinle nga tsjoake je Jeobá. Chjónangilai jebi: “Jmé xi tsoyali xi tʼatsʼe Niná jebi”, kʼoa tsa maije̱ “jósʼin bakóli jebi nga nʼio tsjoakeli je Jeobá”. Tisenkoai nga katamajinle josʼin tíbasenkao Jeobá (2Cr 16:9). Kʼoatʼinlai josʼin tsakasenkaoli Jeobá nga tsakʼetsʼoalai kʼoa kʼoatʼinlai nga kuenta katasʼín josʼin basenkao Jeobá nga bʼétsʼoale. Nʼiojin tsjoa sʼe̱ tokuin nga jchai je xi Biblia ʼmiyalai nga kjimamiyo Jeobá kʼoa nga tsjoake kjima.

KʼIANGA JECHÓTSENLAI JE VIDEO KUINYAKOAA JE XI ʼMIYALEE BIBLIA NGA MIYOLE JEOBÁ KATAMA, CHÓTʼAYAJIN KJOACHJONANGI JEBI:

• 

  Jméni xi ñʼai koanle je Coral.

• 

  Jósʼin tsakasenkao je Rita.

• 

  Jmé xi kisʼin Coral nga kisikʼéjna jme xi ñʼai koanle tsakai.