Tʼinyalai xi Biblia ʼmiyalai nga nda katakotʼaya Énle Niná

Kʼianga skoe̱sa xi tʼatsʼe Jeobá kʼoa nga nʼio sa̱tío kjoamakjainle je xi Biblia ʼmiyalee, alikui tokui xi machjén nga skoe̱ jmeni xi nʼio tjínle kjoandosin tsoya je Biblia (Mt 5:3; Heb 5:12–6:2). Machjén nga koa̱nle nda skótʼaya je Énle Niná.

Kʼianga tosʼa jngo jao kʼa tiʼmiyalee Biblia je chjota, kʼoakʼuínlee nga tongini katakotʼayajin jmeni xi tiʼmiyalee kʼoa koakoyalee josʼin skótʼaya (mwb18.03 6). Kʼoakʼuínlee nga nʼio chjíle nga títjonkjoanla katabʼétsʼoale Niná nga kjesa kotʼayajin nga toje. Kuisenkoaa nga koa̱nle sichjén jmeni xi faʼaitʼa ya página xi tíjnaná ya Internet kʼianga skótʼaya kʼoa kʼoakʼuínlee nga katakotʼa jme xi satíotʼa chjotse ya jw.org kao ya JW Broadcasting^®. Tobijbi tingalai nga nyaon nyaon katabʼéxkia Biblia, nga tongini katakotʼaya jme xi faʼa ya kjoajtín kʼoa tije katabásjaiyani jmeni xi mele skoe̱. Kʼoatʼinlai nga katasíkjaʼaitsjenjin jmeni xi kotʼaya.

KʼIANGA JECHÓTSENLAI JE VIDEO KUINYAKOAA JE XI ʼMIYALEE BIBLIA NGA NDA KATAKOTʼAYA, CHÓTʼAYAJIN KJOACHJONANGI JEBI:

• 

  Jósʼin tsakasenkao Rita je Coral nga koanjinle josʼin tíjna nga chotʼayá, nga tsín tokui xi machjén nga kʼoakuixoán jmeni xi kjonangi je xo̱n xi tichotʼayá.

• 

  Jmé xi tsakasenkao je Coral nga koanjinle nga kjoanda tsaanñá nga bʼéchjoa Jeobá je kjoachajngi.

• 

  Jmé xi koanjinle je Coral josʼin tíjna nga nikjaʼaitsjenjiaan.