JONʼIA XI CHJOTALE CRISTO MAA
Jé Jeobá koasenkaoná nga chókjoajinná je kjoa xi bitjatojiaan
Nga nichxin fetʼa tiyoaa, ngatsʼiñá nga tse kjoa bitjatojiaan. Tsakui nichxin kʼoasʼin nikjaʼaitsjeen nga tsín tichókjoajinniná je kjoa. Tonga tsa tosi tonda si̱jélee nganʼio je Jeobá, chókjoajinná ninga ñʼai tjín kjoa kuitjátojiaan (Is 43:2, 4). Kʼiatsa tse kjoa tijnajin, jmé xi koasenkaoli nga si̱chriantʼalai Jeobá.
Tʼetsʼoai. Kʼiatsa kʼoéyanajmílee Jeobá jotjín tokoán, koasenkaoná nga nda sʼe̱ tokoán kʼoa tsjoáná nganʼio nga chókjoajinná (Flp 4:6, 7; 1Te 5:17).
Tʼin kjoajtín. Basenkaoná nga noʼyá Énle Niná kʼoa sínʼio tokoán je ndsʼee (Heb 10:24, 25). Kʼianga tongini chotʼayajiaan jmeni xi sakóya nga satío kjoajtín, nga mangián kʼoa nga bʼé comentarioná, kʼoasʼin bʼaiʼndee nga kui nganʼiotsjele Jeobá basenkaoná (Ap 2:29).
Tʼinyasuin. Kʼiatsa ntsjaintsjai kʼuínyasoán koasenkaoná nga tsín tokui si̱kjaʼaitsjen ʼndeʼndee je kjoa xi tjínná. Xi ijngosani, kʼianga ʼmiyasoán tojngoo nixá kao je ndsʼee kʼoa kao Jeobá kʼoa ngisaa mamiyoaa je Jeobá kao je ndsʼee (1Co 3:5-10).
KʼIANGA JECHÓTSENLAI JE VIDEO JÉ JEOBÁ SKOÉTJAOLI, CHÓTʼAYAJIN KJOACHJONANGI JEBI:
Jmé xi tsakasenkao je Malu nga tsín kisikjinle Jeobá.
Tojosʼin kitsjoanganʼiole Malu, jósʼin tsjoánganʼioná jme xi tso Salmo 34:18.
Jósʼin bakóná choa̱le Malu nga je Jeobá tsjoáná “nganʼio xi nʼio tse” kʼianga tse kjoa bitjatojiaan (2Co 4:7).