Tʼendajin josʼin si̱xálai Niná kʼianga faʼaitsjenya Kjoabiyale Cristo

Ñá xi choʼndale Jeobá maa, kui xi ngisa choyalee nga xki̱ nó nga faʼaitsjenya Kjoabiyale Cristo. Jao jan xomana tongini kʼoa nga jefaʼato, jé Jeobá chʼasjengʼaa kʼoa bʼailee kjoanda nga kisikasén ʼNdíle nga kʼienntjainá (Ef 1:3, 7). Tobʼelañá, kʼoaʼmilee je chjota nga katafi. Tjínkʼa ndsʼee xi kʼoasʼin bʼéndajin nga precursor auxiliar sʼin síxá nga marzo kʼoa tsa abril, ma 30 kʼoa tsa 50 hora síkʼasʼen nga kui sá. A meli ngisasa tse kʼuínyasuin nga faʼaitsjenya Kjoabiyale Cristo. Jmé xi tjínnele sʼiain.

Ngisaa nda bichómani nga tongini bʼendajiaan (Pr 21:5). Nga jemachrianle nga kjoaʼaítsjenya Kjoabiyale Cristo, machjén nga kʼoéndajiaan josʼin si̱xálee Niná nga kui nichxin. Tikjaʼaitsjenjin josʼin si̱xálai Niná nga kjoaʼaítsjenya Kjoabiyale Cristo kʼoa jméni xi machjén nga sʼiain nga kuichotjenngi. Xijekoa̱n, kʼoatʼinlai Jeobá nga katabasenkaoli nga kuitjosonli jmeni xi tibʼendajin (1Jn 5:14, 15).

Jméni xi koa̱n sʼiain nga ngisasa tse si̱xálai Niná nga kjoaʼaítsjenya Kjoabiyale Cristo.