JONʼIA XI CHJOTALE CRISTO MAA
Kui kjoafaʼaitsjen xi faʼaitʼa Biblia tichjain nga kuisenkoai ʼndíxtili nga kao kjoatsjoa sixále Jeobá
Xi chjotale Cristo maa kui xi mená nga je Jeobá katasíxále ʼndíxtiná. Koaan kuisenkoaa nga kui kjoafaʼaitsjen xi tsjoá Biblia katafitjenngi (Pr 22:6).
Tinóʼyalao je ʼndíxtino nga kʼoakuitso jotjío kon (Snt 1:19).
Nda choa̱ tatio (Dt 6:6).
Kjitʼa kʼoatʼiaon xále Niná (Ef 6:4).
KʼIANGA JECHÓTSENLAI JE VIDEO KUI KʼOÉNDAA NDʼIA XI NʼIO KATASʼEJNA: KʼUÍNYALEE ʼNDÍXTINÁ JME NDIAA XI KOAIYA, CHÓTʼAYAJIN KJOACHJONANGI JEBI:
Jósʼin koako xi xijchá ma nga nda síkjaʼaitsjen.
Jósʼin sitjoson jmeni xi tso Santiago 1:19.
Jméni xi koa̱n sʼiaon nga kjoa sʼe.