JONʼIA XI CHJOTALE CRISTO MAA

A tijnandaní tsa totsejinni ñʼai koa̱nchon tao̱n

Ánni nga tsín tokʼoamaniná nga ñʼai kjimachon tao̱n jngo tjíjtsa Sonʼnde. Kui kʼoakjimachonni nga nichxin fetʼa tiyoaa ndʼai, kʼoa je Biblia kʼoatso nga tsínkui kjoanyiná si̱nʼiotʼaa (1Ti 6:17; 2Ti 3:1). Jósʼin basenkaoná choa̱le Jehosafat kʼianga tongini kuiyondaa tsa totsejinni ñʼai koa̱nchon tao̱n.

Kʼianga kichokʼetʼale kontrale je Jehosafat, jé Jeobá kisinʼiotʼa (2Cr 20:9-12). Kʼoati tongini tsakʼejnanda josʼin sikuinda naxinandá. Tsakʼényʼoándai je naxinandá kʼoa nkjín chjotakjoajchán kisikatíonda (2Cr 17:1, 2, 12, 13). Kʼoati koa̱n kʼoasʼiaan jokisʼin je Jehosafat nga Jeobá si̱nʼiotʼaa kʼoa tongini kuiyondaa nga kjesa kjoa faʼainejinná.

JÓSʼIN KUIYONDAA KʼIATSA ÑʼAI KOA̱NNÁ TAO̱N

Je Jeobá si̱nʼiotʼaa: Tokatamajngoni tokoán jmeni xi tjínná kʼoa tsín jao kʼoé tokoán nga je Jeobá tsjoáná jmeni xi koa̱nchjénná nga nyaon nyaon (Mt 6:26; 1Ti 6:8). Likui kjoatéxomale Jeobá kuitjátoné ninga ñʼai kjimaná je tsojmi xi machjénná (Ro 2:21). Kjoásjailee josʼiaan nga tosi tonda chótʼayá Énle Niná kao xo̱n xi ya yʼangini tsa koa̱ntsín lʼí kao Internet. Koaan tongini si̱katíondaa je xi ñaki xo̱n kʼoa tongini sʼiaan descargar.

Tongini chósonnilai josʼiain: Ali tao̱n toxkia mjetʼain yaoli kʼoa ali toxkia nikjeyajin tao̱n xi sokóli (Pr 22:7). Koaan koatiotjoá tsojmi xi ma chine xi tsín bitson kʼoa tsa jmesani tsojmi xi machjénná. Kʼoati koa̱n kjoántjé tsojmi xi ma chine.

KʼIANGA JECHÓTSENLAI JE VIDEO A TIJNANDANÍ TSA TOTSENI TJÍN XI KOA̱N, CHÓTʼAYAJIN KJOACHJONANGI JEBI:

Sén xi bakó ya video “A tijnandaní tsa totseni tjín xi koa̱n”. Matseen jngo Biblia, jngo mochila, jngo celular kʼoa chjota xi síxá.

Jósʼin kuiyondalee tsa totseni tjín xi koa̱n.

Jósi

Sén xi bakó ya video “A tijnandaní tsa totseni tjín xi koa̱n”. Matseen je ndsʼee xi ya tjíotsjoánganʼio jñani kjoaxkón kicho. Tjínkʼa xi ndʼia tjíobʼénda kʼoa tjínkʼa xi chá tjíomʼaonjen.

Jósʼin kuiyondaa nga kuinyakoaa xi kjaʼaí.

Jósi