Tjenyatokon kuiyoaa nga jenichxin fetʼa tiyoaa

Nga jenichxin fetʼa tiyoaa ndʼaibi, ngisaa nʼio tsesa kjoa xi tísʼe (Mt 24:8; 2Ti 3:1). Je naxinandále Jeobá kjitʼaa kʼoatsoná jmeni xi tjínnele sʼiaan nga kjoaxkón sʼe. Kʼiatsa si̱tjosoán kʼoa tsa tongini si̱katíondaa jmeni xi machjénná kʼoa nʼio si̱kʼéjnaa je kjoamakjainná kʼoangilee yaoná kʼianga kjoaxkón sʼe (Lu 16:10).

• Tosi tonda si̱tajaa je kjoamakjainná. Ntsjaintsjai kʼoéxkiaa je Biblia kʼoa chótʼayá nga toñá. Si̱ngalee yaoná nga kʼuínyasoán. Alikui tokui si̱kinroájenñá tokoán kʼiatsa tsín titiʼyañá je ndsʼee (Is 30:15). Kuenta sʼiaan nga je Jeobá kao Jesús yaa tjíokaoná (od-S 175, 176 párr. 15-17).

• Tongini koationda xi koa̱nchjénná. Ninga jetíjnandaná je mochila xi kui nya jmeni xi ngisa nʼio machjén, kʼoati nda nga kuinyatjoá je tsojmi xi ma chine, nandá, xki, kʼoa tsa jmesani xi koa̱nchjénná kʼiatsa tse toya ndʼianá kuiyoaa (Pr 22:3; g17.5-S 4, 6).

KʼIANGA JECHÓTSENLAI JE VIDEO TONGINI KUIYONDAA KʼIANGA KJOAXKÓN SʼE, CHÓTʼAYAJIN KJOACHJONANGI JEBI:

• 

  Jmé xi sʼiaan nga nʼio sʼe̱jna je kjoamakjainná nga kjoaxkón faʼainená.

• 

  Ánni ndatjínni nga kuenta sʼiaan ngantsjai je xi chjotajchínga sʼin tjío.

  • Ánni machjénni nga tongini kuiyondaa.

  • Ánni tjínnele tongini si̱kjaʼaitsjenjiaan jme xi sʼiaan kʼiatsa kjoaxkón kjoaʼaínená.

• 

  Jñánile nga jan koya josʼin koa̱n kuinyakoaa je ndsʼee kʼianga kjoaxkón bichóne.

TIKJAʼAITSJENJIN JEBI: “Jme xi tisʼian ndʼaibi nga chʼin COVID-19 tjín, jósʼin tíbasenkaona nga tongini tibatejnandale nichxin xi sʼa nroa”.