Kokkinakis contra Grecia: Droit réservé
Fitsʼiakjoanni tʼainni: Junta de Educación de Virginia Occidental contra Barnette, Kokkinakis contra Grecia, Entidad religiosa local de Taganrog y otros contra Rusia, kao Cha y otros contra Corea del Sur.
JONʼIA XI CHJOTALE CRISTO MAA
Nga nitoánntjé kʼoa nga tjoʼndená ngixko̱n kjoatéxoma nga ʼmiyasoán
Kʼianga koanmele tsakʼéchjoa je xá xi kjima nga tísʼendaya yo̱ngo̱ je chjota xi jtike naxinandále Niná, je chjota judío tsakakó nga kitjoʼndele ngixko̱n kjoatéxoma nga kʼoendaya je yo̱ngo̱ (Esd 5:11-16). Kʼoati sʼín ndʼaibi je chjotale Cristo, sítoánntjai kʼoa tjoʼndele ngixko̱n kjoatéxoma nga tsoyason (Flp 1:7). Kʼianga nó 1936, toxá kʼoasʼin kisʼendajinni nga koatio je ndsʼee xi sitoánntjai je Énle Niná ngixko̱n kjoatéxoma ya tjen jña tísʼendiaanile xále Niná. Je ndsʼee xi ya tjíojinle Departamento de Asuntos Legales jña tjen tísʼendiaanile xále Niná jé sítoánntjai je xá xi kjima jngo tjíjtsa Sonʼnde ngixko̱n kjoatéxoma. Jósʼin sítoánntjai xále Niná ndsʼee jebi kʼoa jósʼin binyakaoná jmeni xi sʼín.
KʼIANGA JECHÓTSENLAI JE VIDEO KATAʼYASAI XI TʼATSʼE DEPARTAMENTO DE ASUNTOS LEGALES XI TÍJNA JÑA TJEN SʼENDIAANILE XÁLE NINÁ, CHÓTʼAYAJIN KJOACHJONANGI JEBI:
Jmé kjoa xi tjíobʼéndajin ngixko̱n kjoatéxoma je testigole Jeobá.
Jósʼin tjíonjele nga tjíobʼéndajin kjoa ngixko̱n kjoatéxoma. Jngo choa̱ tʼejnai.
Jméni xi sʼiaan ñá nga si̱toánntjé kʼoa nga kataʼyale ngixko̱n kjoatéxoma je Énle Niná.
Jósʼin koa̱n kjoásjee ya página xi tíjnaná ya Internet tʼatsʼe kjoa xi tísʼendajin ngixko̱n kjoatéxoma kao tʼatsʼe ndsʼee xi ndoyá tjíoʼya xi totʼatsʼe kjoamakjainle.