JONʼIA XI CHJOTALE CRISTO MAA

Tokatamajngoni tokoán jokji tjínná

Kʼiatsa tsín masonniná jokji tjínná, tsakui nichxin kui kʼoasʼiaan jmeni xi tsín tinda sikʼéjnaniná ngixko̱n Jeobá. Tobʼelañá, tsa ya so̱koxáná ya jñani nda kuinje̱ná tao̱n, tsínjin tikoa̱nʼaniná nga je Jeobá si̱xálee. Kʼiatsa kʼoakjimaa, koasenkaoná nga kui si̱kjaʼaitsjenjiaan jmeni xi tso Hebreos 13:5.

“Ali kjoanyinájin nimetakon”

Kʼianga kʼoétsʼoai, tikjaʼaitsjenjin jósʼin ʼyatokuin je tao̱n. Tikjaʼaitsjenjin jmé choa̱ xi tibʼejnalai je ʼndíxtili (g-S 9/15 6).

“Tʼejngo takon kao xi jetjínno”

Tokuikjoan kuenta tʼiain je xi nʼio machjénli (w16.07 9 párr. 1, 2).

“Likui xin koatejnale, nitsjionkonjinle”

Kʼiatsa je Chjotaxále Niná títjon si̱kʼéjnai, je Jeobá koasenkaoli nga so̱koli jmeni xi koa̱nchjénli (w14 1/4 21 párr. 17).

Sén xi bakó ya video “Je ndsʼee nyʼán tjío kon ninga ñʼai male tao̱n”. 1. Je Miguel nioxtila tísínda ya jña tíjnale horno. 2. Najño tísíxjaʼai je Miguel. 3. Je Miguel cho̱tsín tíkotsensʼen kʼoa tífandaa nga tífisíxá.

KʼIANGA JECHÓTSENLAI JE VIDEO JE NDSʼEE NYʼÁN TJÍO KON NINGA ÑʼAI MALE TAO̱N, CHÓTʼAYAJIN KJOACHJONANGI JEBI:

Jmé xi bakóyali je choa̱le Miguel Novoa.

Tʼeyanajmí