Koaan si̱kinjelee je kjoajticha

Ningalani kje kui kjoa bitjatojinjin, tsakui nichxin ʼyai je chjota xi jtike xínkjín. Noʼyañá je noticia xi kʼoatso nga tjín chjota xi jtike xínkjín xi totʼatsʼe jñani tsʼe, josʼin tsen yaole, tsakuije̱ nga tjínkʼa xi tixʼin kʼoa tsa xi tiyánchjín xínkjín matsjoakeni. Kuinga bʼasjeni kjoatéxoma je chjotaxá nga̱ tsín mele nga ʼya xi koa̱njtike xínkjín.

ʼYani xi majtike xínkjín ngisaa tse kjoa sʼele. Nga̱ je chjota xi totaon ʼya síjndangajaoni jomatʼain, kʼoa tokʼoama ʼndeʼnde nga̱ tsínkʼia nda fikao xínkjín.

Tsakui nichxin kui kjoa bitjatojin nga tjín chjota xi tobesinli, tsa totso tomanili kʼoa tsa binyáxkónli. Tonga ali tsa tokuijin jebi xi ma kʼianga tjín xi majtikená. Kʼianga majtike xínkjín chjota totaon be kʼoa síkiʼaon, tjínkʼa xi betaon kʼoa síkjeson xínkjín.

Je revista jebi kui kuitsoya jósʼiaan nga tsín xíngiaa koa̱njtichaa kʼoa kui kjoachjonangi jebi chótʼayajiaan:

• Ánni nga kʼoasikji kjoajticha tjínni.

• Jósʼiaan nga tsín xíngiaa koa̱njtichaa.

• A chaan tjóxin je kjoajticha.