Jmeni xi koa̱n chótʼayá

Kʼoéjinkoaan je kjoajnda xi bʼasje naxinandále Niná

“Kʼianga nʼio ba tjín tokoan, jé kjoajnda xi tsʼe JW Broadcasting^® síchjén je Jeobá nga tsjoánganʼiona” (Lorraine, Estados Unidos).

Saʼnda ngasʼa, je chjotale Cristo sele Niná kʼianga bʼasjejeya (Col. 3:16). Kʼianga kʼoéjintokuin je kjoajnda koaan kuijndái ninga tsín xo̱n kitontsjai kʼoa ninga tsín celular kʼoa tsa tableta tichotsenlai. I tsjoá kʼali kjoafaʼaitsjen jmeni xi koa̱n sʼiain nga kʼoéjintokuin je kjoajnda.

• Tʼexkiai jotso je letrale kjoajnda ánni nga koa̱njinnili jme xi tínchja̱ni. Kʼianga nda majinná tsa jmeni ngotjo faʼaitsjenniná. Ya jw.org yaa faʼaitʼa letrale ngayeje kjoajnda xi tjíoná, jolani je kjoajnda xi tsʼe JW Broadcasting kao xi tsʼe xtiʼndí. Ya titjásʼain jñani “Xo̱n kao grabación” tso, kʼoa xijekoa̱n ya titjásʼain jñani “Música” tso.

• Chjí je letrale kjoajnda. Kui xi koasenkaoli nga sʼe̱jintokuin (Deut. 17:18).

• Tijndái. Nkjín kʼa tʼexkiai letrale kʼoa tsa maije̱ nkjín kʼa tijndái.

• Chótʼayakoai jókji sʼejintokuin. Tikjaʼaitsjain jótso je kjoajnda tonga ali tsa yajin chotsenlai letrale, yaa jchani jókji jemali.