Xi bʼéyanajmí

Nda bichómani nga bakolee kjoamatokon toʼyani

Jngo tichjaa xi Nueva Zelanda tsʼe jngo video kiskotsenle xi ya jw.org faʼaitʼa. Video jebi kʼoatso nga je Jeobá mamake chjota kʼoa basenkao (Is. 63:​7-9). Tichjaa jebi tsakásjai ʼyani xi koa̱n koasenkao. Kʼoa nga tikuini nichxin tjín xi kikatse, jngo chjoón tsabe xi ya tíjnaya yandiaa kʼoa tsakatsele jme xi tsakjenni. Kʼianga jaʼaikaole xi koakje̱nni tsakjákaonajmí kʼoa kitsjoale je tratado A chan tjóxin je kjoañʼai xi tjín.

Chjoón jebi kiskiʼndá, kʼoa kʼoakitso nga ya naxinándale Jeobá koanjchíngajin, tonga nga jenkjín nó nga tsín tifini je kjoajtín xi satíoná. Kʼoakitso nga tsakʼétsʼoale Jeobá nga katabasenkao ánni nga sichriantʼa ijngokʼanile naxinandále. Je tichjaa jngo Biblia kitsjoale kʼoa kʼoakitsole nga kuitsoyale.a

Tojo sʼín je Jeobá nga bakó kjoamatokon, kʼoati koa̱n kʼoasʼiaan tsanda ñá. Koaan kuinyakoaa xíngiaa kao ndsʼee xi tjío ya jinjtín. Ijngo koya josʼin koakoá kjoamatokon kʼiaa nga chja̱kaonajmíñá Énle Niná toʼya chjotani.