Nga kui xi ndatjín kʼoasʼiaan: Xi koa̱n si̱kjaʼaitsjenjiaan ngatsʼiaa

Jósʼiain kʼiatsa ya tiʼmi jngo ʼnde jñani kje ʼyaxkonjin.

1. 1. A kui kuenta sʼiain josʼin nikjaʼaitsjain.

2. 2. A yaa kʼuíntjenngilai xi kjaʼaí chjota.

3. 3. A jngoo mapa chótʼai axo jé chjónangilai jngo chjota xi nda bexkon je ndiaa.

Tsa tokui kjuinñá josʼin nikjaʼaitsjeen kʼoa tsa to chjota kjuintjenngilee tsakui nichxin toxinni kuichoaa. Tonga tsa jngo mapa chótʼaa kʼoa tsa jngo chjota chjónangilee yajinkjoán kuichoaa jñani timangián.

Kʼianga tjín jña mangián kui xi mená nga yakjoán kuichoaa jñani mená timangián. Tikʼoasʼinni, jmeni xi sʼiaan kui xi kuitsoni josʼin kuiyoaa nichxin xi sʼa nroa kʼoa kui xi mená ngatsʼiaa nga nda kuiyoaa, kuinga machjénni nga tjín xi koandiaaná.

Jmeni xi nʼia tjín jmeni xi nʼio tjínle kjoandosin kʼoa tjín jmeni xi mai, kʼoa yaa bakoñá josʼin nikjaʼaitsjeen, jméni xi nda ʼyatokoán kʼoa jméni xi mai. Jmeni xi sʼiaan kʼoati kʼoakaotʼale xíngiaa, tsa nda kuiyoaa kʼoa tsa mai. Jolani jebi:

• Nga xínkjín fayokao chjota kʼoa nga bixaan.

• Tʼatsʼe tao̱n, tʼatsʼe xá, kʼoa nga kixi mangínkoaa yaoná.

• Josʼin nijchá ʼndíxtiná.

• Josʼin mangínkoaa xi kjaʼaí.

Nga kui kʼoasʼiaan jmeni xi jekanikʼaxkiaa, jméni xi kuinyakaoná nga tsjoa sa̱tío tokoán kao xi tjío ya yaniʼyaná.

Ngatsʼiñá nga koa̱n si̱kjaʼaitsjenjiaan jméni xi kuinyakaoná nga nda kuichomani jmeni xi sʼiaan.

Je revista jebi kui koakoyaná jósʼin koasenkaoná Biblia nga jchaa xi ndatjín kao xi chʼaotjín kʼoa jósʼin basenkaoná nga mangíntjenngiaa je kjoafaʼaitsjen xi tsjoá.