Kʼoasʼin si̱chjén je Biblia joni jngo cho̱tsín

Je Santiago kui kisingósonkao je Biblia jngo cho̱tsín xi chotsenyá nga̱ yaa bakóná jokjoaan (Sant. 1:​22-25). Jmé xi sʼiaan nga nda si̱chjén je Énle Niná.

Kuenta sʼiaan jmeni xi bʼexkiaa. Tsa to sasa chótsenyá je cho̱tsín likuijinni jchaa tsa nda tisoaa. Tikʼoasʼinni, machjén nga ngasin nganda chótʼayá je Énle Niná ánni nga jchasíñá jñani nga koa̱n si̱ndayasaa yaoná.

Ali jejin xi ngikʼa chotsenlai josʼín, tosa kui kuenta tʼiain jñani koa̱n si̱ndayai yaoli. Tojo ma kʼianga chotsenyá je cho̱tsín kʼoati ya matsenya je xi ya séjnachrian kʼoa ʼyañá tsa jñani tsín nda kji. Tikʼoasʼinni, kʼianga bʼexkiaa Biblia tsa tokui kuenta sʼiaan jñani tsín nda sʼín xi ngikʼa alikuijin jchaa jñasani chaná nga si̱ndayaa yaoná.

Alikui si̱kʼatoné choa̱le josʼin si̱kjaʼaitsjeen xi tʼatsaan. Tsa tokui kuenta sʼiaan jñani tsín nda nʼia tsínjin nda sʼe̱ tokoán. Kʼianga kʼoéxkiaa Biblia tosa kui kuenta sʼiaan josʼin síkjaʼaitsjen Jeobá xi tʼatsaan (Sant. 3:17).