Ánni nga tsínsíni kjoanyʼán jngo tjíjtsa Sonʼnde

Jmeni xi tso Biblia

Ningalani mele je chjota nga kjoanyʼán sʼe̱ i̱ Sonʼnde alikui kʼia kʼoakoa̱nle. Kataʼyai ánni.

• “Likui bakinle je chjota xi tsoʼba nga je koandiaale yaole” (Jeremías 10:23). Je chjota ali tsakuijin xá koanndani nga tije koatexomanile xínkjín. Kuinga tsín je kʼoamanile nga sʼe kjoanyʼán i̱ Sonʼnde.

• “Ali jejin ninʼiotʼao yaono je chjotatítjon, kʼoa nijejinla je chjota xi kjaʼaí, nga̱ tsín koa̱nle kʼoasjentjaino. Je chjota bitjo je nganʼiole kʼoa machao ijngokʼani, nga tikʼiani cha je kjoafaʼaitsjenle” (Salmo 146:3, 4). Ningalani kui xi mele je chjotaxá nga tsín tikjoajchán katasʼeni, tonga alikui je kʼoamale.

• “Je nichxin xi kjoetʼa kjoaʼaíná kjoañʼai xi tse. Sʼe chjota [...] xi toán, xi taon be xi nda, xi jao nkjaín, xi toxkia sʼín, xi tosíxkón male” (2 Timoteo 3:1-4). Nga nichxin fetʼa tiyoaa ndʼaibi nʼio tsʼen kjima je chjota, kuinga tsínni kjoanyʼán.

• “Ma̱xóni xi tjío sonʼnde kao ya ndáchikon, nga je na̱i jekʼoasʼin jitjojenjinno nga jon. Ali tokʼoakji jti male, nga be nga tochoa nichxin tjínle” (Apocalipsis 12:12). Je Na̱i xi kontra sʼin tíjnale Niná i kinikʼatjenjenngi Sonʼnde kʼoa jé xosʼín nga nʼio chʼao kjimakjoan je chjota. Nga je Na̱i tíbatéxoma Sonʼnde ndʼaibi alikʼia nda kuiyoaa (Juan 12:31).

• “[Je Chjotaxále Niná] ñaki sixkoa̱ní kʼoa kjoaʼaxinní ngatsʼi chjotaxá xokjoan [xi kontra tjíole Niná], kʼoa tojé kʼoéjna ngantsjai nichxin” (Daniel 2:44) Tojé Chjotaxále Niná xi koa̱nle nda sikatíoná tokʼia saʼndani (Salmo 145:16).