Tongini kʼoatso Niná nga jngo sonʼndenaxó tsjoá

TSAKUI nichxin i̱ kji ʼndenaxó xi tsakakóle Jeobá je Isaías xi kinchjaya tʼatsʼe Niná josísʼin matsen sén xokji. Me tiʼakʼia tsakʼejnani Isaías nga tsakʼejna je Jonás.

Je ʼndenaxó, jngoní «ʼnde xi naskánachon». A faʼaitsjenli tsa jesa tsaʼyai i̱ xo̱n xokji jñani nga isʼin matsen. Jaon, ya ʼnde jña naskánakisichonle Jeobá je Adán kao Eva, a tsí jaon. Tonga, a kʼoakoa̱nchon ngayeje Sonʼnde.

Jeobá kʼoakitsole Isaías xi kinchjaya tʼatsʼe Niná nga katabʼétʼaxo̱n xi tʼatsʼe jngo ʼndenaxó chjotse xi sʼa nroa xi kʼoaile naxinandále Niná. Kitso: “Tse̱en kʼoa kao barré nyʼán koatiokao xínkjín. Nrajaʼndí kʼoa kao xaʼndí ñatjen koakjenkao xínkjín, kʼoa xtiʼndí sisinle. Ninga ya siskáchrianle ye̱toan je ʼndílee likui josikao”.

Nkjínjín chjota xi kuitso: “Nikʼiajinla kʼoakoa̱n. Kjoa tísʼe ngantsjai i̱ sonʼnde, kʼoa kui sʼe ngantsjai”. Tonga, tikjaʼaitsjenlai, jólanáchonsíni ʼnde jñani kitsjoale Jeobá je Adán kao Eva.

Je Niná jngo ʼndenaxó kisikatíojin Adán kao Eva. Kuinga kisichasíni ʼndele nga tsín kisitjosonle Niná, kʼoa kuinga koanjchíngasíni kʼoa kʼiensíni. Je Niná kʼoatso kʼianga je chjota xi tsjoake kui tsjoále jmeni xi kisicha Adán kao Eva.

Je sonʼndenaxó chjotse xi sʼa nroa nijmejinla xi sikitson. Ñaki kjoanyʼán xi sʼe. Niʼyajinla chjota xi ti chʼin sʼenile kʼoa tsjoa satío kon josʼin koanmele Niná nga títjon. Skan jchaa josʼin sitjoson Niná jebi.