KJOAʼMIYA 13

Jósʼin koasenkao xi ngikʼa jme xi tiʼmiyai

Proverbios 3:21

XI BAKÓYANÁ: Tisenkoai je xi tjíonrʼoéli nga katamajinle josʼin koasenkao jmeni xi tiʼmiyalai kʼoa josʼin koaitjenngi.

Kuenta tʼiain je xi tjíonrʼoéli. Tikjaʼaitsjain ánni nga nʼio machjénni nga kjuinrʼoé jme xi tiʼmiyalai. Kʼoa kʼoatʼinlai josʼin koa̱n sitjoson.
Nga kʼuínyai katamajinle xi kjuinrʼoéli jmeni xi meli kʼuínlai. Kʼianga sʼa kʼoétsʼiakoai nga kʼuínyai, tjínnele nga i̱ kuitso kjoafaʼaitsjenle xi tjíonrʼoéli: “Kuikjoán jebi xi machjénna”. Kʼianga kʼoasí jmeni xi nʼio tjínle kjoandosin, tʼinyalai josʼin koa̱n koaitjenngi kʼoa kʼoatʼinlai jme xi tjínnele sitjoson.

Ngasin nganda tʼinyalai xi tjíonrʼoéli josʼin koa̱n koaitjenngi kjoafaʼaitsjen xi tsjoá je Biblia. ʼNdele nga tokui sikjaʼaitsjen jñani tsín nda tjíosʼín, tosa tisenkoai nga nʼio katasʼejna kjoamakjainle kʼoa kao kjoatsjoacha xi tjínle kao Niná. Tʼainganʼiolai nga kui kʼoakatasʼín xi kixi tíjna.