Je xi kjonangi xti... jósʼin sichjén kjoabijnachonna (Xi majaoni)
Kʼianga kjoáyalai je pelíkula xi tsʼe Los jóvenes preguntan... ¿Qué haré con mi vida? ya tisennelai ya jña Entrevistas tso kʼoa kui chjoéjin jñani Secciones tso. Kʼianga jechótsenlai nga jan koya xi ya faʼaitʼa, tʼetʼaxuin jmeni xi kjonangi párrafo 2. Ijngokʼa tʼisennelai jñani Menú principal tso kʼoa xijekoa̱n ya tisennelai jña Extras tso. Kʼianga jechótsenlai je xi aon koya faʼaitʼa, tikjaʼaitsjenjin ijngokʼai jmeni xi koanjinli kʼoa tʼetʼaxuin jmeni xi kjonangi párrafo 3.
Nga chótsenlai jñani Secciones tso. A Niná si̱xálai axo kui kʼuíntjenngi jmeni xi tsín jme chjíle: 1) Jméni xi nʼio ʼmile je xi sʼa xti nga katafitjenngi. 2) Jósʼin koasenkao je xi sʼa xti je én xi faʼaitʼa ya 1 Juan 2:17 nga koa̱nle skoéjin jokji tje̱n skótʼaya. 3) Ánni nga tsín kuijkónsíñá nga cha̱nisʼenngindá yaoná. 4) Jméni xi koasenkao tsa ʼyani xi mele ska̱nisʼenngindá yaole. Katasʼeli kjoatsjoa nga si̱xálai Niná: 5) Ánni nga tjínkʼasíni xti xi tsín tsjoa tjíole nga tjíosíxále Niná. 6) Jméni xi koasenkaoná nga tsjoa sa̱tío tokoán nga si̱xálee Niná. 7) Jméni xi ngisa tinʼio tsokjón kʼangánile je xti tikʼoajinni nga jngo chjota xi tsín bexkon kjoakao kʼoa ánni. 8) Jméni xi sʼiaan nga tsín kjoajkon sikinjená kʼoa nga katasʼená kjoanʼiojin. 9) Ánni nga nʼio chjísínile nga katamaná josʼin kʼuínyaa. Tse kjoanda tíjnabasenli josʼin si̱xálai Jeobá: 10) Jósʼin basenkaoná nga precursor maa nga tosi tonda majinná xi tʼatsʼe Niná (Filip. 3:16). 11) Ánni nga tsín tso kʼasíni kon je xti nga precursor sʼin síxá. 12) Jmé kjoafaʼaitsjen xi faʼaitʼa Biblia koasenkaoná nga tsínkui nʼio si̱kjaʼaitsjeen xi tʼatsʼe tao̱n. 13) Jméni xi tjíosʼín kʼa precursor nga kjimale josʼin tjíobajngiʼa yaole. 14) Jméni xi koa̱n sʼiaan kʼiatsa tsín kʼoakoa̱nná nga precursor sʼin si̱xá.
Nga chótsenlai jñani Extras tso. Nʼio chjíle nga kʼoati chotʼayá xi toñá. 15) Ánni nga nʼio chjísínile nga nda kʼoéndajiaan kʼianga chotʼayá nga toñá. Josasʼin koa̱n kʼuínyaa: 16) Ánni nga ngisa tsjoa sʼesínina nga nkjín koya josʼin ʼmiyaa. Xá xi tsʼe Betel: 17) Jñá kʼanile kjoanda xi sʼená kʼianga Betel mangínnixá. Skuela xi síchjine je ndsʼee xi sʼa tjíotoje: 18) Jósʼin tjíobinyakao je xíngiaa xi jeki skuela jebi (Escuela de Entrenamiento Ministerial ʼmi ngasʼa). Skuela xi tsʼe Galaad jña nichjine misionero: 19) Jósʼin tongini tsakationda je Peter kao Fiona nga misionero koan, kʼoa jósʼin tsakinyakao Skuela xi tsʼe Galaad.