WEMŪꞌE HAP 10
Aikowat asom religião pȳwo piat sese rakat.
1. Karānia asom religião pȳwo piat sese rakaria.
Eiweꞌeg̃ wo o Tupana Ehay moherep ȳt pȳwuat piatꞌi haria wȳwo. — MATEU 7:15.
Pȳwo piat sese rakat ri wentup yn. Iesui tiꞌatumūꞌe topotmūꞌeria religião pȳwo piat sese rakat hap etiat. Iesui ihay miꞌi aikotā̃ okenꞌypy ȳt iwatoꞌi rakat ewy e. Mekewat okenꞌypy puo typyꞌi kahato hamoꞌi tuwehytꞌok maꞌato wehytꞌok haria tukupteꞌen hamuat wuatꞌi eꞌāt pe. (Iruka 13:24) Tupana mowepīt sese terān haria waku inug̃ Tupana piat woꞌonãpin hap koꞌi ewy. Ieuwa montypot sese haria mimohey koꞌi wentup ewy yn iꞌewȳte tukupteꞌen wentup ewy yn. Miꞌi pote iraniaꞌīn religião koꞌi upi ȳt tuwatꞌi.—Etimowempāp o Iuwãu 4:23, 24; 14:6; Ewesu 4:4, 5.
Erehaꞌat o pyno video Torānia religião koꞌi asom inug̃ Tupana mikyꞌesat koꞌi e hap kape
2. Kat e asom Iesui ihay tomohey ȳt pȳwo piatꞌi rakaria etiat.
— Uruikuap Tupana iꞌatuꞌe wen maꞌato ȳt taꞌatunug̃ꞌi Tupana mikyꞌesat ewy. — TITU 1:16.
Iesui henoi Tupana Ehay moherep ȳt pȳwo piatꞌi rakaria hap etiat. Miꞌiria teꞌeropotmūꞌe Tupana Ehay piat ewyꞌi. Taꞌatunug̃ Tupana mikyꞌesat sio awatoꞌe maꞌato ȳt pykaiꞌi. — Urutoria Iesui Mohey Sese Haria iꞌatuꞌe. Maꞌato aikotā̃ me asom watikuap miꞌi hap pȳwo pe sio ȳtꞌi hap. Watikuap hamo taꞌatuminug̃ koꞌi puo pyi taꞌatunug̃ Iesui e hap ewy sio ȳt hap.—Etimowempāp o Mateu 7:15-23.
3. Aikotā̃ me aru etikuap aikowan religião pȳwo piat sese rakat hap.
Etikuap hamo taꞌatuminug̃ koꞌi puo pyi. Kotā̃ e hap.
Taꞌatupȳwo kahato Tupana Ehay ete. Iesui Mohey Sese Haria teꞌeruwat Tupana Ehay piat hap upi yn maꞌato religião ȳt pȳwo piatꞌi rakaria teꞌeruwat mītꞌīn ehay upi neꞌi. (Mateu 15:7-9) Miꞌi pote Iesui Mohey Sese Haria yn hoꞌomūꞌe Tupana Ehay ete miꞌi rakirẽ taꞌatunug̃ yne Tupana e hap ewy.—Etimowempāp o Iuwãu 17:17; 2 Timoteu 3:16, 17.
Taꞌatuhuꞌat iꞌewȳte taꞌatuhoꞌomūꞌe Tupana set Ieuwa etiat. Iesui timontypot kahato Tupana set miꞌi pote tohoꞌomūꞌe mītꞌīn toꞌȳwot set kuap hap etiat hamo. Karāmpe tohentup toꞌȳwot kape turān miotā̃ e — Waku etimowato eset uiꞌȳwot e. (Iuwãu 12:28) Uweꞌīn asom hoꞌomūꞌe Tupana set Ieuwa e hap etiat.—Etimowempāp o Iueu 2:32; Iesui Potmūꞌeria 15:14, 17; Humanu 10:14.
Taꞌatuhenoi Tupana Porekuat etiat. Karāmpe Iesui toig̃neꞌen mesūwat yi tote turān tohoꞌomūꞌe Tupana Porekuat etiat. Miꞌi Tupana Porekuat yn imomã hamuat mītꞌīn piat hoꞌopot hap koꞌi wȳwo. Miꞌi hap etiat ri Iesui henoi henoi tokuꞌuro hap kape. (Iruka 4:43; 8:1; 22:29) Iesui hoꞌopoꞌoro topotmūꞌeria Tupana Porekuat etiat mītꞌīn mūꞌe hamo wy. Aij̃uwat religião miꞌitā̃ hap inug̃.—Etimowempāp o Mateu 24:14.
Ȳt taꞌatunug̃ꞌi mesūwat yi totiat seko saꞌag̃ koꞌi ewy. Iesui Mohey Sese Haria ȳt teꞌeruwenug̃ terānꞌi morekuaria wo. Iꞌewȳte mesūwat yi totiaria morekuaria upi ȳt taꞌatuhanīkꞌi wy hawyi morekuaria hoꞌokay kay mītꞌīn teꞌerenentup taꞌatuehay kape turān Iesui Mohey Sese Haria ȳt teꞌeruwatꞌi neig̃ iꞌatuehay saꞌag̃ morekuaria etiat wy. (Iuwãu 17:16; 18:36) Iꞌewȳte mesūwat yi totiaria minug̃ saꞌag̃ koꞌi ewy ȳt taꞌatunug̃ꞌi.—Etimowempāp o Tiaku 4:4.
Iesui Mohey Sese Haria ti toꞌokyꞌe kahato. Tupana Ehay puo pyi Iesui Mohey Sese Haria tikuap waku watimontypot torānia mītꞌīn hap. Pȳwo piariaꞌi religião piaria teꞌeruwat wuꞌuka hap kape. Maꞌato religião sese piaria ȳt teꞌeruwatꞌi. (Mikeia 4:1-3) Iesui Mohey Sese Haria iꞌatueg̃yiꞌat kahato iꞌewȳte iꞌatupotpap kahato ȳt kat saꞌupꞌi mītꞌīn powȳro hamo.—Etimowempāp o Iuwãu 13:34, 35; 1 Iuwãu 4:20.
4. Etikuap taꞌyn apo aij̃uwat religião pȳwo piat sese rakat hap.
Aikowan religião inug̃ Tupana Ehay piat e hap ewy. Aikowan religião huꞌat Tupana set Ieuwa e hap. Aikowan religião henoi Tupana Porekuat yn imomã kuap saꞌag̃ koꞌi wȳwo e hap. Uweꞌīn asom tuwatꞌi wuꞌuka hap koꞌi kape iꞌewȳte uweꞌīn toꞌokyꞌe kahato. Etikuap apo.—Etimowempāp o 1 Iuwãu 3:10-12.