Tupana Ehay

TUPANA EHAY TO⁠ꞌ⁠E

Wuatꞌi eꞌyj̃an miat Tupana ehay miwan miat tuwẽtem hemītꞌīn wẽ pyi Tupana Pãꞌãu ihay. (2 Timoteu 3:16 – Tupana Ehay)

KAT POTE ASOM MESŪWAT HAP ETIAT WAKU WATIKUAP

Kat pote

Tupana Ehay tiwesat apoꞌe hap koꞌi. Meig̃muewat iwesat hap koꞌi epowȳro kuap kahato hamo. (Porowepiu 2:1-5)

Tupana Ehay piat woꞌonãpin hap koꞌi waku kahato ainãpin kahato hamo. (Saumu 119:105)

Tupana Ehay henoi tuwemoherep aru e hap koꞌi hap etiat wy. (Humanu 15:4)

WATIMOHEY KUAP ASOM TUPANA EHAY ETE

Miꞌitā̃. Kat pote.

• Tupana Ehay wentup yn toig̃. Tupana Ehay wan haria 40 ok takaria maꞌato taꞌatumomã Tupana Ehay wan hap 1600 anu hawyi yn. Tupana Ehay wan haria karāmpeꞌi teꞌerehaꞌat toꞌoꞌewowi maꞌato taꞌatuwan wentup awy yn Tupana Ehay. Kat etiat taꞌatuwan. Tupana set etiat hawyi Tupana Porekuat etiat.

• Tupana Ehay pȳwo piat. Maꞌato iraniaꞌīn popera nug̃ haria iwan taꞌatuetiat taꞌatuminug̃ wakuat koꞌi yn. Maꞌato Tupana Ehay wan haria iwan yne taꞌatuminug̃ wakuat koꞌi hawyi iꞌatuminug̃ wakuatꞌi koꞌi. (2 Koronika 36:15, 16; Saumu 51:1-4)

• Tupana Ehay henoi aru e hap ko⁠ꞌ⁠i etiat. Kotā̃ e hap. Ieuwa tipoꞌoro Isaia tiwan popera piat hamo tawa Papironia momã hap etiat. Maꞌato miꞌi hap tuwemoherep 200 anu hawyi yn. (Isaia 13:17-22) Hawyi tohenoi aikotā̃ me tawa Papironia taꞌatumomã hamuat hap hawyi uwe imomã hamuat hap etiat wy. (Isaia 45:1-3)

  Meig̃muewat koꞌi tuwemoherep taꞌyn. Miꞌi pote Tupana Ehay piat aru e hap koꞌi ete watimohey kuap. (2 Peteru 1:21)