Atipy pe asom Iesui morekuatno raꞌyn.

— Atipy piaria teꞌeroꞌe — Tupana Mipoꞌoro topyhuꞌat raꞌyn wuatꞌi mītꞌīn porekuatno iꞌatuꞌe. (Iesui Aru E Hap 11:15 – Tupana Ehay)

— Ewanig̃kap ti aru ereig̃neꞌen morekuatno hap ȳt imomã kuapꞌi e. Wuatꞌi eꞌāt pe aru ereig̃neꞌen yne mītꞌīn porekuatno e. (Tanieu 7:14 - Tupana Ehay)

KAT POTE ASOM MEIG̃MUEWAT KOꞌI WAKU ETIKUAP

Kat pote

• Iesui porekuat etiat etikuap pote epowȳro hamo ewepīt wȳwo ereig̃neꞌen hamo. (Isaia 48:17, 18)

• Mesup tān epote wuatꞌi eꞌāt pe hamo ereig̃neꞌen mesūwat yi tote. (Iesui Aru E Hap 21:3, 4)

WATIMOHEY KUAP ASOM TUPANA EHAY ETE

Miꞌitā̃. Kat pote asom.

• Iesui hoꞌopowȳro terān kahato temītꞌīn. Karāmpe Iesui mesūwat yi tote toig̃neꞌen turān toiꞌatupowȳro kahato mītꞌīn. Ikuꞌuro rakaria toiꞌatumoehaig̃te iꞌewȳte iꞌahū rakaria wy. Hawyi ihakyꞌeꞌi rakaria toiꞌatupoi. (Mateu 15:29-38; Iuwãu 11:38-44) Meig̃muewat koꞌi toimoherep — Kotā̃ aru atunug̃ mesup tān e hap koꞌi. (Iesui Aru E Hap 11:15)

  Hawyi karāmpe Iesui toig̃neꞌen mesūwat yi tote turān toiꞌatumūꞌe mītꞌīn aikotā̃ me wahentup Tupana porekuat tūt mesūwat yi kape hap etiat. (Mateu 6:9, 10)

• Iesui morekuatno hap eꞌyj̃an mete toig̃ kahato hamo mesūwat yi tote saꞌag̃ koꞌi. Kotā̃ e hap. Korā̃ mesūwat yi tote toig̃ kahato ahū syꞌat hap iꞌewȳte yi tyry e hap koꞌi.

  Meig̃muewat koꞌi ti tuwemoherep taꞌyn korā̃ Iesui toig̃neꞌen hamuat raꞌyn morekuatno hap. (Mateu 24:3, 7) Miꞌi pote watimohey kuap.